Dyshohet se i morën 10 mijë euro një personi me premtimin se do e çonin në Kanada, arrestohet 31-vjeçarja! Në kërkim bashkëpunëtori

Një 31-vjeçare e identifikuar si Arjana Lleshaj është arrestuar nga policia e Tiranës pasi dyshohet i mori 10 mijë euro një personi me anë të mashtrimit. Në kërkim është shpallur bashkëpunëtori i saj.

Të dy në bashkëpunim me njëri-tjetrin, dyshohet se i kanë marrë shumën 10 000 euro, shtetasit B. Gj., 49 vjeç, banues në Malësi të Madhe, duke i premtuar se do ta ndihmonin atë që të shkonte në Kanada.   

“Specialistët e Seksionit për Hetimin e Krimeve Ekonomike dhe Financiare, pas kallëzimit nga një shtetas, për një rast të marrjes së parave me anë të mashtrimit, kanë organizuar dhe finalizuar operacionin policor të koduar "Premtimi", si rezultat i të cilit u bë ndalimi i shtetases A. Ll., 31 vjeçe dhe u shpall në kërkim shtetasi S. Gj., 34 vjeç, të dy banues në Tiranë”, njofton policia.

LEXO EDHE:
'Ndaj Partizanit vetëm tri pikë', Erbim Fagu para derbit: Duam të kthejmë buzëqeshjen te tifozët e Tiranës

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme. 

A.M./Shqiptarja.com

TAG:
• Arjana Lleshaj
• mashtrim
• Tirane