E frikshme/ ‘Akrobaci mbi urë’, prindi mban në shpinë fëmijët për të kaluar lumin e Shalës në Shkodër (VIDEO)

Kjo është mënyra se si këta fëmijë e përshkojnë çdo ditë rrugën për në shkollë në fshatin Bregu i Lumit në Njësinë Administrative të Shalës në Shkodër. 

Mungesa e infrastrukturës detyron çdo ditë këtë prind që të mbajë në shpinë fëmijët e tij për të kaluar urën e amortizuar, duke rrezikuar kështu edhe të bie në lumë. Ura përshkohet nga lumi i rrëmbyeshëm i Shalës.

Një prej qytetarëve denoncon këtë situatë duke u shprehur se shkolla ku shkojnë këta fëmijë, ‘Mehmet Shpendi’ është e mbyllur ndaj ata duhet të shkojnë në një tjetër shkollë duke kaluar mbi këtë urë.

Interesimit të Report Tv i është përgjigjur administrata vendore e cila informon se shkollat nuk janë hapur në Dukagjin për mungesë të stafit të mësuesve.

Shkolla është aksesueshme përmes rrugës malore që kalon në shtëpitë e familjeve. Aksesi sigurohet përmes rrugës malore.

Sipas autoriteteve lokale, ura përdoret për kalimin e shpejtë kryesisht gjatë verës. Familjarët që kanë fëmijët dhe duan t’i transportojnë me makinë apo kotorr sikurse bëjnë kryesisht në zonën malore përgjatë rrugës malore, nuk kanë ku t’i dergojnë në shkollë, pasi nuk ka mësim.


Lajmi kryesor:

Reshjet e shiut, rrezikohet përmbytja e disa zonave! Në Fushë-Krujë mbi 50 banesa nën ujë! Në Durrës rinis lundrimi i trageteve! Meta thirrje qeverisë: Ndihmoni çdo qytetar (VIDEO)


E.M./Shqiptarja.com
  • Sondazhi i ditës:

    A është gati Shqipëria për sezonin e ri turistik?



×

Lajmi i fundit

John

Ekzekutimi në Elbana/ Dalin pamjet, kjo është makina e djegur që dyshohet se i përket autorëve