Gomonia me 45 thasë me drogë u pikas mëngjesin e së martës në det të hapur. Policia nisi ndjekjen e saj dhe njëkohësisht u lajmërua Guardi di Financa. Dy trafikantët që drejtonin gomonen pasi u pikasën në det, zgjodhën që të mos vijonin rrugën drejt Italisë, por u kthyen në grykëderdhjen e Lumit Vjosa.
Aty skafistët braktisën gomonen dhe u larguan në këmbë drejt pyllit. Policia sekuestroi gomonen bashkë me drogë. Burime nga Policia e Vlorës thanë për Report TV se dy ditë më parë në zonë është parë një traktor me karrelë, i cili dyshohet se ka transportuar kanabisin. Kjo bëri që Policia të niste kontrollet dhe mëngjesin e sotëm zbuloi gomonen me dy motor të modifikuar dhe e paregjistruar.
Përveç gomones janë sekuestruar edhe dy makina që dyshohet se janë përdorur nga skafistët. Thasët ne kanabis janë transportuar me një kamion drejt Policisë së Fierit, ku do të behet peshimi për të mësuar sasinë e saktë të drogës.
Trafikantët kanë zgjedhur që të transportojnë drogën për shkak edhe të kushteve atmosferike. Kur deti është me dallgë radarët e vendosur në Sazan dhe në Darzezë e kanë të vështirë të kapin gomonet në det. FNSH e Fierit dhe Policia e Rendit janë duke kryer kontrolle në zonë për arrestimin e dy trafikatëve. Dyshohet se ata janë larguar drejt fshatrave të Levanit.
NJOFTIMI I POLICISË:
Policia e Shtetit në bashkëpunim me partnerët e Guardia di Finanza-s kanë parandaluar një tentativë për trafik lënde narkotike, përmes detit drejt Italisë. Operacioni nisi rreth orës 03:30 të mëngjes, kur u pikas mjeti lundrues disa milje në det. Policia Kufitare e Vlorës dhe GdF kanë vijuar ndjekjen në det. Forcat operacionale të FNSH-së Fier dhe të Policisë lokale Fier e Vlorë kanë organizuar punën duke patrulluar me disa grupe nga toka, megjithë kushtet e vështira të motit. Ndjekja policore detyroi trafikantët të futeshin në grykëderdhjen e lumit.
Aty braktisën mjetin lundrues dhe lëndën narkotike në buzë të lumit Vjosë, pranë fshatit Bishan. Duke përfituar nga errësira, të dyshuarit janë larguar në drejtim të pyllit. Forcat e Policisë kanë rrethuar zonën dhe vijojnë ndjekjen për kapjen e tyre.
Policia sekuestroi 1 mjet lundrues, 2 automjete, një sasi lënde narkotike e dyshuar kanabis, si dhe prova të tjera që ndihmojnë hetimin.
Nën drejtimin e një grupi të posaçëm po vijojnë hetimet intensive për ndalimin e personave të përfshirë në këtë aktivitet kriminal dhe përballjen e tyre me drejtësinë.
Lajme të tjera
-
Historia e pazakontë/ Vëllai po i mbytej në kanalin e La Manshit në Angli, shqiptari telefonon nga Shqipëria gabimisht policinë amerikane, e shpëton (VIDEO)
13 Shtator, 21:55 -
Greqi/ Fundoset gomonia me emigrantë, vdesin 3 fëmijë
10 Prill, 13:23 -
Emigrimi me gomone/ Del raporti i OKB: Ja sa të vdekur ose të zhdukur rezultojnë për 2024-n
27 Mars, 21:34 -
Tre emigrantë humbin jetën në La Mansh, tentuan të kalojnë në brigjet britanike
28 Shkurt, 18:20 -
Tentoi të vrasë veten në qendrën e dëbimeve, shqiptari ndërron jetë në spital pas disa ditësh! Në Angli shkoi me gomone para një viti
18 Nëntor 2023, 19:43 -
EMRAT/ Po shkëmbenin kokainën me kanabis në det të hapur, goditet grupi i trafikantëve në Kurbin! 6 të arrestuar, mes tyre 2 ukrainas dhe ish-shefi i policisë
16 Gusht 2023, 07:28 -
Rrezikoi jetën e pushuesve me gomone në Jalë, gjobitet drejtuesi, i bllokohet mjeti lundrues
15 Korrik 2023, 16:19 -
VIDEO/ Vodhën makina me vlerë 1 mln euro në Itali dhe i shisnin në Afrikë e Ballkan, vlera 1 mln euro! Arrestimet në 6 shtete, mes tyre dhe në Babicë të Vlorës
16 Qershor 2023, 13:26 -
Vlorë, dy të arrestuarit për gomonen në kamionin me jonxhë, të dënuar në Itali për vjedhje
15 Qershor 2023, 15:19 -
VIDEO/ Vlorë, gjendet gomonia brenda kamionit, dyshohet se do përdorej për trafik! Dy të arrestuar, ishin në kërkim ndërkombëtar
14 Qershor 2023, 09:32 -
Prej muajsh kryefjalë për emigrantët me gomone, Kryebashkiakja britanike: Shqiptarët janë të mirëpritur
5 Prill 2023, 22:03 -
Ambasada britanike në Tiranë thirrje të rinjve shqiptarë: Mos tentoni të largoheni, mund të humbni jetën nga kushtet e rrezikshme të motit
7 Janar 2023, 21:08
