TURQI - Rey Manaj i është bashkuar legjionarëve të tjerë që gjatë fundjavës që lamë pa dolën të golat apo asistet me fanellat e klubeve respektive. Për raundin e 27-të në Ligës së Parë në futbollin turk, Sivasspori fitoi sot 4-1 në shtëpi kundër Sakaryaspor.

Vendimtar për vendasit ishin shqiptarët Rey Manaj dhe Valon Et'hemi. Dueli u zhbllokua pas vetëm gjashtë minutave lojë nga Et'hemi, gol që erdhi pas asistit të Rey Manajt. Më pas Erdogan dhe sërish Et'hemi e mbyllën pjesën e parë 3-1 për Sivasspor.

Duhej minuta e dytë shtesë e ndeshjes që Rey Manaj të finalizonte golin personal dhe të tretin pas rikthimit te Sivasspori në merkaton e janarit që lamë pas. Sulmuesi i Kombëtares pësoi edhe një aksident automobilistik pak ditë më parë, por për fat pa pasoja. Lushnjari duket në formë të mirë sportive dhe këtë e tregoi edhe sot me gol dhe asist.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Prill, 10:21

    Nafta arrin në 224 lekë/litri, a është e mjaftueshme vetëm ulja e akcizës?

Lajme të tjera