POP 5

Lajmet më të lexuara të 5 minutave të fundit

Sociale

Drejt Punës

Edmond Dhëmbi, mjeshtri i punimeve të bakrit në Berat: Zanati duhet ruajtur, por ky po shkon drejt zhdukjes, të rinjtë nuk e preferojnë

Edmond Dhëmbi është ndoshta i vetmi artizan i kallajisjes së enëve prej bakri në Berat. Ky zanat po shkon drejt zhdukjes pasi të rinjtë nuk e preferojnë. E ka trashëguar zanatin nga i ati, por vështirë se mund ta përçojë tek i biri. Në një intervistë për Report Tv ai ka rrëfyer 30 vitet e punës së tij.

E ka trashëguar zanatin nga i ati, por vështirë se mund ta përçojë tek i biri. Puna mes flakëve në punishten e kallajisjes së enëve prej bakri është e vështirë, na thotë Edmond Dhëmbi që ka mbi 30 vite që e ushtron këtë zanat. 

“Këtu ka punuar babai, xhaxhai, këtu ka qenë një repart faktikisht, tani vetëm unë kam mbetur, nuk ka të tjerë që ta vazhdojnë. Unë dua t’ia trashëgojë djalit, por e shoh të vështirë, koha ndryshon dhe janë të pakta kërkesat”, tha mjeshtri.

Mjeshtri prodhon kazanë me porosi nga fermerët, kryesisht kur afron koha për zierjen e rakisë.

‘Tani për momentin bëra një kallajisje kazani, më përpara ka pasur tregje dhe kërkesa, ka pasur blerje. Por tani ka rënë, është e vështirë. Sipas porosisë, unë nuk është se prodhoj. Mund të bëj të gjitha punimet e bakrit’, tha ai.

Vite më parë në Berat kishte një repart, ku punonin shumë njerëz, ndërsa tani 58-vjecari Emdond Dhëmbi është i vetmi usta për kallajisjen e kazanëve. Ai thotë se më parë fermerët kërkonin tava rrushi , kusi qumështi, jamak por për shkak të rënies së numrit të popullsisë nëpër fshatra ka rënë edhe puna e tij në prodhimin e enëve të bakrit.

“Kjo punë ka ngelur sezonale, vetëm kur bëhet rakia. Fshati i ka përdorur më shumë këto enët e bakrit, pak qyteti”, tha mjeshtri.

Edhe pse mes vështirësive, 58-vjecari e ushtron me dëshirë këtë zanat që me dhimbje shprehet se po shkon drejt zhdukjes....

“Duhet durim, është zanat që të shtarosh me durim dhe po se pate durimin nuk e ushtron dot me qejf. Zanati i punimit të bakrit është duke u zhdukur” tha ai.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mundohuni të mos stresoheni shumë... çfarë kanë parashikuar yjet për sot

Mundohuni të mos stresoheni shumë... çfarë kanë parashikuar yjet për sot

29 Janar, 07:03