Tirane- Federata Shqiptare e futbollit njofton zyrtarisht rinovimin e kontratës me trajneri brazilian të Kombëtares Sylvinho dhe dy ndihmësit e tij Zabaleta dhe Doriva.
Siç Report TV kishte mësuar më herët gjatë këtij muaji braziliani dhe FSHF kishin gjetur akordin mes tyre për të vazhduar bashkëpunimin por mëngjesin e kësaj të mërkure (24 korrik 2024) federate bëri edhe njoftimin zyrtar.
Silvinho së bashku me dy ndihmësit e tij argjentinasin Zabaleta dhe brazilianin Doriva kanë firmosur rinovimin deri në dhjetor të vitit 2025 pra deri në fund të fushatës kualifikuese për Botërorin e vitit 2026 dhe nëse Shqipëria kualifikohet logjika është që skuadrën do vijojë ta drejtojë braziliani.
FSHF është e kenaqur me punën e bërë deri tani nga 50 vjeçari kur thotë se: “Nën drejtimin e trajnerit Silvinjo, Kombëtarja shqiptare ka treguar progres dhe qëndrueshmëri të jashtëzakonshme. Shqipëria u kualifikua për herë të dytë në histori në një Kampionat Europian, ku tregoi performancë të denjë dhe bindëse në takimet kualifikuese si edhe u përballë denjësisht me kundërshtarë të nivelit të lartë në Euro 2024 ndaj Italisë, Kroacisë dhe Spanjës”.
Objektivi tjetër thotë FSHF tashmë është i qartë kualifikimi për herë të parë në histori i Shqipërisë në një Botëror që do të ishte ai i vitit 2026 e që zhvillohet në SHBA, Meksikë e Kanada.
Pas përfundimit të Euro 2024 ku Shqipëria e mbylli me një pikë në grupin e ferrit sfidat e radhës të kuqezinjve janë të Ligën e Kombeve. Aventura nis më 7 shtator ndaj Ukrainës e tre ditë më pas presim Gjeorgjinë në “Air Albania”.
Silvinjo është në drejtimin e Shqipërisë që prej janarit të vitit 2023 ku është ulur në pankinë në 16 ndeshje zyrtare e miqësore të marra së bashku dhe ka një bilanc prej 7 fitoresh , 4 barazime dhe 5 humbje.
16 janë ndeshjet që Sylvinho ka drejtuar ekipin kombëtar. Bilanci i brazilianit në stolin kuq e zi flet për 7 fitore, 4 barazime dhe 5 humbje. Nga sfidat e drejtuara deri më tani 11 kanë qenë zyrtare e 5 ndeshje miqësore
Braziliani Sylvinho ka debutuar me humbje në pankinën e Shqipërisë.
Në mars të vitit të kaluar në ndeshjen e parë të eliminatoreve të Euro 2024 Polonia mundi 1-0 Shqipërinë. Më pas do të vinin dy fitore radhazi në muajin qershor ndaj Moldavisë 2-0 dhe Ishujve Faroe 3-1 në transfertë. Për eliminatoret e Europianit në shtator të vitit të kaluar Kombëtarja barazoi 1-1 në transfertë ndaj Çekisë dhe pak ditë më pas mundi 2-0 në “Air Albania” Poloninë.
Rrugëtimi i kuqezinjve drejt Euro 2024 vijoi me një super fitore në tetor 2023 ndaj Çekisë 3-0 në Tiranë e po në këtë muaj Shqipëria mundi 2-0 në miqësore Bullgarinë. Dy ndeshjet e fundit të vitit të kaluar Shqipëria nën drejtimin e Sylvinhos i barazoi 1-1 ndaj Moldavisë në transfertë mjaftueshëm sa për të siguruar kualifikimin në Gjermani 2024 dhe barazim pa gola ndaj Ishujve Faroe në Tiranë.
Për këtë vit ekipi Kombëtar ka zhvilluar 7 ndeshje. 4 miqësore dhe tre sfidat e Euro 2024. Në mars Shqipëria u mund 3-0 nga Kili në
miqësoren e luajtur në Parma dhe u mund 1-0 nga Suedia.
Në fillim të qershorit në kuadër të përgatitjeve për Europianin në Hungari kuqezinjtë fituan dy ndeshje miqësore me Lihtenshtejnin dhe Azerbajxhanin ndërsa në Europian Shqipëria u mund nga Italia, barazoi me Kroacinë dhe u mund nga Spanja.
Lajme të tjera
-
E konfirmojnë në Itali, Juventusi futet në garë për Cristian Shpendin! Vëzhgues në disa ndeshje
16 Dhjetor, 17:02 -
Komiteti Ekzekutiv i UEFA-s mban mbledhjen e fundit për vitin 2024, të gjitha vendimet që u morën
16 Dhjetor, 15:20 -
Evropiani U-21 mes Shqipërisë dhe Serbisë, UEFA s'e shqyrton çështjen! Burime: Është shtyrë në shkurt
16 Dhjetor, 14:07
-
Superliga/ Teuta 'i fik dritat' Egnatias, i mposht 2-1 dhe i heq mundësinë e kreut! Skënderbeut 2-2 ndaj Bylis, Dinamo kryeson pas gjysmës së sezonit
15 Dhjetor, 18:48 -
Ikin dritat në stadiumin e Durrësit, Teuta - Egnatia ndërpritet për pesë minuta
15 Dhjetor, 17:20 -
Bëma nga Kategoria e Tretë, miqtë braktisin ndeshjen dhe gjithë ekipi ndëshkohet me karton të verdhë
15 Dhjetor, 16:41 -
Superliga/ Tirana në pikë të hallit, Dinamo e mposht 2-1 në derbi dhe merr kreun! AF Elbasani ndal 2-2 Partizanin në kryeqytet, Vllaznia fiton kundër Laçit
14 Dhjetor, 21:08 -
Botërori 2026/ Përballja kundër Shqipërisë, Serbia pa tifozë në Tiranë (VIDEO)
14 Dhjetor, 20:14 -
Kualifikueset e Botërorit 2026, Rraklli për Report TV: S'e doja këtë short, Sylvinho të bëjë ndryshime! Leci: Serbia mendjen për telashe, Kosova e ka vështirë
14 Dhjetor, 16:00 -
Kushtet atmosferike, shtyhen tre ndeshje në Kategorinë e Parë
14 Dhjetor, 15:06 -
Shorti i Botërorit/ Prodani në ‘Studio Live’: UEFA gaboi me shortin e Shqipërisë, s’duhet t’i kemi frikë! Serbia ‘armiku ynë’, shans për të bërë histori! Seitllari: Duka rrudhi buzët
13 Dhjetor, 20:30 -
Bashkorganizimi i Euro 27 mes Shqipërisë dhe Serbisë, UEFA mblidhet të hënën për 'dritën jeshile'
13 Dhjetor, 16:04
