Mashtroi mediat se ishte motra e Klodjan Rashës, protestuesja: Sivjet prisnim ta martonim, jo ta përcillnim për në varreza! Policia gjuan me armë në ajër, jo në kokë (VIDEO)

Në protestë ishte e pranishme edhe një vajzë, e cila u shtir në mediat se ishte e motra e Klodjan Rashës. Duke u prezantuar si Sibora Rasha ajo tha për Report Tv se sivjet prisnin që ta martonin Klodjanin dhe jo ta përcillnin për në varreza. Sibora Rasha, e cila tha se ka ardhur nga Italia, thotë se i vëllai nuk kishte asnjë problem me Policinë dhe as armë si dhe ishte djalë i mirë, prandaj familja e saj kërkon drejtësi.

“Unë isha në Itali kur kam marrë vesh në mes të natës dhe jam nisur direk nga Itali dhe kur familja nuk e dinte, e dinte se ishte arrestuar nga policia. Dua ta di për çfarë është vrarë vëllai im. Vëllai im kishte shkuar me marrë cigare. Për familjen është krim i madh, gjaku është derdhur para derës të shtëpisë. Vëllai punonte me babanë ku i dilte puna, kryesisht në ndërtim dhe po e përgatisnim për dasmë jo për ta çuar në varreza. Ne duam arsyen për çfarë është vrarë.  Duam të dimë policia do na mbrojë apo do na vrasë.  Vëllai im ka qenë i qetë dhe familjarë, por jo probleme me armë siç thotë shteti. Shteti duhet ta mbrojë popullin dhe jo ta vrasi.  Shteti gjuan me armë në ajër dhe jo në kokë apo në zemër, duam të drejtën tonë, prandaj jemi këtu” tha ajo.

Lajmi kryesor:

Mbi 4 orë protestë te Ministria e Brendshme e Kryeministria! U vihet flaka pemëve të Krishtlindjeve, sulmohen institucionet dhe shkatërrohen zbukurimet! Disa qytetarë marshim paqësor gjatë orës policore

B.K.//Shqiptarja.com

TAG:
• Tirane
• vrasja e klodjan rashes
• Klodjan Rasha