13 jetë të ndërprera në mes. Ky ishte bilanci tragjik i aksidentit në Qafën e Vishës në Himarë, kur rreth orës 16:15 të datës 21 maj të vitit 2012 autobusi me studentë të universitetit “Aleksandër Xhuvani” në Elbasan doli nga rruga dhe ra në humnerë. Si pasojë gjetën vdekjen 11 studente të vitit të tretë dega Gjuhë-Letërsi, i fejuari i njërës prej të rejave, si dhe drejtuesi i autobusit, ndërsa mbetën të plagosura 22 studente të tjera.
Sot 7 vjet pas kësaj tragjedie, e cila la një brengë të madhe në zemrat e familjarëve të viktimave, ende kërkohet drejtësia. Pavarësisht se ka kanë kaluar vite prindërit e Dorina Stafës vijojnë luftën për të gjetur drejtësinë e munguar, e cila është një peng për ta. Sipas tyre nëse drejtësia nuk vihet në vend, ata do ta vënë vetë atë.
"U bënë 7 vite, 7 vite, dhe vazhdon të thellohet mërzia, vazhdojmë të jemi në një gjendje ankthi. Tek e fundit drejtësia nuk po vjen, po vonohet. Në një ditë do ta gjejmë drejtësinë nëse shteti nuk do të veprojë ka forma të tjera shqiptari që të veprojë. Ne nuk prehemi dot të qetë pranë fëmijëve tanë, nëse drejtësia nuk vihet", shprehet Hasan Stafa, babai i Dorinës.
"Sot 7 vite nuk u mor asnjë masë, asnjë masë për 13 jetët. Duam drejtësi, vetëm drejtësi", shprehet mamaja e studentes së ndjerë.
E ëma e Eriola Xhoit, infermiere në spitalin e Elbasanit shprehet se humbja e të bijës ka lënë shumë plagë në zemrën e saj. Ajo thotë se ka shëruar shumë plagë pacientësh, por nuk ka mundur të shërojë dot plagët e saj.
"Po pse moj mam nga Llogaraja po dilni ju? Po më tha! Nuk e di pse më erdhi një ndjesi se do ju ndodhe diçka. E mora deri në Vlorë dhe nuk e mora më se më tha: Mos më merr se dua të shijoj udhëtimin. Ajo ishte telefonata e fundit. Ylli, Lola ti je e pa zëvendësueshme e pa krahasueshme, do të mbetesh gjithmonë Lola e mamit", thotë mes lotësh nëna e Eriola Xhoit.
Mes lotëve e dhimbjes prindërit e Joana Debinjës përkujtojnë atë ditë të hidhur për ta.
"Na duket sikur e kemi këtu jo 7 vjet por sikur 7 ditë ka që ka ikur. Na iku kot. Erdhi mirë e bukur erdhi duke qeshur: Do të shkoj në ekskursion. Unë i thash mos shko edhe nga gjendja ekonomike. I thash mos ikni se do të vriteni se kisha dëgjuar se janë bërë aksidente. Faktikisht më tha një shoku im si fillim, më tha janë gjimnazistë, pastaj më erdhi më tha se janë studentë. Pastaj u nisëm për në Tiranë, s’dinim nga të shkonim, në Tiranë apo Vlorë. Shkuam një herë në Tiranë, pastaj shkuam në Vlorë dhe morëm vesh lajmin. Nuk e di si ndodhi qe fati i keq i asaj dhe i joni. Nuk e di ajo për ne do të mbetet e pa harruar sa të jemi gjallë do ta kujtojmë", shprehet Flamur Debinja.
"Nuk gjej do fjalët, nuk mundem"...kaq arrin të thotë nëna, Elisabeta Debinja, që dhimbjen e ndjen si ditën e parë për humbjen e bijës së saj.
Jeta vazhdon për 22 studentet që i mbijetuan kësaj tragjedie. Pjesa më e madhe kanë krijuar familje. Asnjë prej tyre nuk dëshiron të flasë për atë ditë të hidhur, 21 majin e vitit 2012.
Për ngjarjen nuk pati asnjë në burg, pasi vetë shoferi i automjetit humbi jetën, dhe mbi të gjitha faji nuk kishte qenë i tij. Por autobusi nuk kishte kryer asnjë kontroll. Kërkesa e familjarëve të studentëve është që të vihet drejtësia në vend duke ndëhkuar drejtuesit e kompanisë së autobusit me të cilin u aksidentuan të afërmit e tyre.
Komente
Lajme të tjera
-
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
Himarë/ Plagosi me thikë burrin e motrës, arrestohet 27-vjeçari
27 Nëntor, 12:52 -
‘RinArt’, studentët e Tiranës dhe Prishtinës çelin ekspozite të përbashkët me 400 piktura
25 Nëntor, 16:53
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Po transportonte 5 emigrantë të paligjshëm, arrestohet në flagrancë 24-vjeçari në Vlorë
20 Nëntor, 14:00 -
GJKKO kalon për gjykim dosjen e Jorgo Goros për tjetërsimin e 10 mijë metra katror tokë! Ish kryebashkiaku i Himarës kërkon gjykim të shkurtuar
15 Nëntor, 10:56
-
Studentja e Iranit shkon e zhveshur në universitetin islamik, arrestohet (VIDEO)
4 Nëntor, 13:47 -
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18 -
Vlorë/ Po transportonin 5 emigrantë të paligjshëm, nuk iu bindën policisë dhe braktisën mjetin! 2 persona në kërkim
25 Tetor, 15:40 -
U arrestua për shpërdorim detyre dhe mosdeklarim pasurie shtyhet seanca gjyqësore për kryebashkiakun e Himarës, Jorgo Goro
18 Tetor, 14:13
-
'Investitor strategjik' Florenc Gjikuria merr pa kosto 30.000 metra tokë shteti në Himarë për ndërtimin e fshatit turistik, hotelit me 5 yje dhe kazino
11 Tetor, 16:40 -
Kishin mbetur të bllokuara në zonën “Gropat e Bufit” në Vuno, shpëtohen turistet gjermane
9 Tetor, 15:40
Dojn me denu shoferin edhe aty ku prehet... Se marr vesht humbje kontrolli ka pas qa drejtesiet dojn kto
PërgjigjuJemi mesuar ne qe t'i mbyllim syte para ngjarjeve te tila. Vdiq dhe shoferi vete dhe u mbyll ceshtja. Jo, o popull. Autobusi nuk paska patur te kryer asnje kontroll. Kush mban pergjegjesi per kete? A ka qene kompani udhetimesh kjo apo ishte shoferi i fshatit qe i coi me autobusin personal? A ka patur siguracion autobusi? Ata te rinj e blene vdekjen me para, paguan bilete qe te ikin nga kjo jete. Sigurisht qe paraja as te sjell ne jete ata qe kane vdekur as eshte ngushellim, por nje demshperblim e meritojne keto familje qe kane vuajtur dhe ata te tjeret qe jane gjalle por te traumatizuar. Te pakten bota keshtu funksionon. Se jemi ne akoma ne Mesjete eshte tjeter ceshtje.
Përgjigjuvertet ishte nje tragjedi shum e madhe..te gjithve u erdhi keq..po ska lidhje ca kerkojn familjaret...ihste nje aksident dhe kaq shoferi humbi jeten per vete..ska lidhje as kompania dhe asnje njeri tjeter
PërgjigjuCa drejtesie duan kta? Ai ishte aksident. Shoferi iku vet
PërgjigjuTë uroj ta provosh në kokë tënde personalisht, jo të familjarëve se ata nuk kanë faj pse je ti bastard. Po si nuk dashkan drejtësi, kur kompania e autobusëve lejonte autobus karakatina pa kolaudim të dilnin në qarkullim? Prandaj nuk bëhet ai vënd se ka njerz me kromozome XXX zhapiku si TY.