Max Verstappen fitoi Çmimin e Madh të Hungarisë, duke vendosur diktatin në Formula 1. Edhe pse ishte i dyti në nisje, kampioni në fuqi i botës kaloi Hamiltonin që në kthesën e parë dhe më pas nuk e lëshoi pozitën, për suksesin e shtatë radhazi.

Në vendin e dytë u pozicionua Lando Norris i McLaren, teksa Red Bull me Sergio Perez siguroi edhe vendin e tretë në podium. Me 281 pikë, Verstappen mban kreun e pilotëve, duke lënë pas shokun e skuadrës Perez me 171 të tilla. Pas tyre Alonso i Aston Martin me 139 pikë dhe Hamilton i Mercedes me 133 pikë.

Duket se Verstappen po shkon drejt suksesit të tretë si kampion bote në F1, teksa ka vendosur "diktatin" në garat e shpejtësisë. Me dy pilotë që mbajnë kreun, edhe për konstruktorë Red Bull prin me 452 pikë, me 11 fitore dhe 17 podiume këtë sezon. Shumë pas Mercedes, që me 233 pikë mban pozitën e dytë.

Në garën e së dielës për t'u evidentuar edhe një incident, që solli humor mes pilotëve. Të ndodhur në podium për çmimet, Lando Norris që u rendit i dyti, theu pa qëllim trofeun e Max Verstappen. Duke hapur shishen e shampanjës, Norris përplasi fort tavolinën, çka bëri që edhe tofeu të rrëzohej dhe të thyhej.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera