E pamundur që 43 vjeçari i bllokuar mes dy shkëmbinjve në Gramsh të shpëtohet mbrëmjen e sotme! Aksioni do të rifillojë në orët e para të mëngjesit

43 vjeçari i bllokuar nuk del dot nga Kalaja e Tervolit. Policia dhe zjarrfikësit kanë mbërritur në vendngjarje për të tentuar ta nxjerrin nga vendi ku ka mbetur i bllokuar por duke qenë se terreni është mjaft i vështirë dhe për shkak të errësirës, pritet që operacioni i shpëtimit të rifillojë të nesërmen.

Aksioni i shpëtimit pritet të fillojë rreth orës 5 të mëngjesit kur në ndihmë të autoriteteve vendore të vijnë edhe ekipe të posaçme. Deri në rifillimin e aksionit, person ii bllokuar do të jetë në monitorim të vazhdueshëm. Gjendja e tij shëndetësore, raportohet të jetë e mirë pavarësisht temperaturave të ftohta.

Lajmi kryesor:

Gramsh/ 43-vjeçari bllokohet në Kalanë e Tërvolit! Terreni i thepisur dhe errësira pamundësojnë shpëtimin e tij, aksioni do të rinisë në orët e para të mëngjesit

B.V/K.T./Shqiptarja.com

TAG:
• Elbasan
• gramsh
• Andrea Dervishi