POP 5

Lajmet më të lexuara të 5 minutave të fundit

Kronikë

E reja në mëshirë të fatit, ura provizore drejt shembjes! Kompania ndërpret punimet për urën e re Darëzezë-Fier

Ura e re që lidh bregdetin e Darëzezës me qytetin e Fierit duhej të përfundonte në korrik të këtij viti, por punimet janë ndërprerë dhe nuk dihet se kur mund të rifillojnë. Ndërkohë banorët ankohen pasi një urë provizore e ndërtuar nga ushtria rrezikon të shembet sërish për herë të tretë

Puna për ndërtimin e urës automobilistike të Darëzezës në Fier është ndërprerë.

Punimet nisën në fillim të muajit prill dhe sipas projektit duhej të përfundonin në korrik. Për zvarritjen e punimeve, përfaqësues të kompanisë thanë jashtë kamerës se bordi i kullimit nuk ka ndërhyrë për uljen  e nivelit të ujit  në kanalin e hidrovorit.

Aktualisht lëvizja kryhet përmes urës metalike, ku kalojnë jo vetëm banorët e zonës por dhe pushuesit e shumtë që i drejtohen gjatë verës bregdetit të Darëzezës.

'Kjo do të kishte përfunduar në korrik. ja po e lëmë në fund të korrikut, por kjo ska për të përfunduar as para vitit të ri. kjo ka penguar edhe zhvillimin e turizmit.'- tha një banor.

'Ne mezi po presim të bëhet dhe ka një vit që nuk është bërë dhe as spo bëhet.'- tha një tjetër.

'Ka muaj plazh janë penguar nga puna e urës, ja ta bëjmë sot ja ta bëjmë nesër.'- u shpreh një banor.

Ura e Darëzezës u shemb për herë të parë në vitin 2017 si pasojë e përmbytjeve. U ndërtua nga ushtria një urë provizore e cila u shemb në qershor të këtij viti si pasojë e peshës së rëndë të një kamioni që tentoi të transportonte kontejner. Sërish ushtria ndërtoi një urë provizore, deri në ndërtimin e urës së re automobilistike, të financuar nga qeveria shqiptare me fond prej 32. 9 milionë lekësh.

M.Q./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Për të shpëtuar nga SPAK, Këlliçi distancohet nga gruaja: Nuk bashkëjetoj me Anën

Për të shpëtuar nga SPAK, Këlliçi distancohet nga gruaja: Nuk bashkëjetoj me Anën

26 Dhjetor, 16:15