ITALI- Një 20-vjeçar shqiptar humbi jetën pasi u qëllua me plumb në kokë në Itali më 3 qershor. Sipas policisë, në momentin kur ndodhi ngjarja, viktima Enrico Aliaj, 20 vjeç, ndodhej në banesë me vëllain e tij dhe një person tjetër. Prokurorja Daniela Di Girolamo e cila po ndjek hetimet, ka shënuar në regjistrin e të dyshuarve emrin e vëllait të viktimës, 18 vjeç, për akuzën e vrasjes nga pakujdesia, ndërkohë që ekspertiza mjeko-ligjore dhe analizat kriminalistike pritet të hedhin më shumë dritë mbi krimin.
Sipas mediave italiane, pasditen e 3 qershorit fqinjët e familjes shqiptare në privincën e Piacenzas njoftuan policinë për të shtënat me armë. Shërbimet e urgjencës dhe hetuesit mbërritën aty dhe e gjetën 20-vjeçarin Enrico Aliaj në një pellg gjaku.
Mjekët thanë se I riu kishte ende shenja jete dhe ata bënë gjithçka për ta shpëtuar, por nuk arriti të mbijetojë dhe humbi jetën rrugës për tek ambulance në fushën sportive të qytetit. Ndërkohë policia dhe zjarrfikësit ndeshën në rezistencën e vëllait 18-vjeçar të viktimës i cili u ngujua në banesë dhe pranoi të dorëzohej vetëm pas negociatave që gjatën disa orë.
Ai është marrë në pyetje në godinën e Karabinierëve në Piacenza. Avokati mbrojtës, Fabio Callegari, tha se klienti I tij iu përgjigj spontanisht të gjitha pyetjeve të prokurorit", dhe tregoi versionin e tij të ngjarjes. 18-vjeçari ka shpjeguar se “vëllai i tij po përdorte një armë nga e cila ka qëlluar aksidentalisht”.
Në momentin e ngjarjes, në shtëpi ndodhej edhe një shok i djemve shqiptarë i cili fillimisht ishte larguar, por më pas u identifikua nga efektivët që po verifikojnë rolin e tij në atë çfarë ndodhi. Hetuesit po mbledhin dëshmitë e të njohurve dhe fqinjëve ndërkohë që dyshohet se arma e vrasjes nuk posedohej ligjërisht.
Ditët e ardhshme pritet të kryhet edhe autopsia në trupin e 20-vjeçarit, për të zbardhur më shumë elementë në lidhje me trajektoren e plumbit.Viktima merrej edhe me aktivitet sportiv ku në rrjetet sociale shfaqet duke luajtur futboll dhe me uniformë. Profesori i Enrico-s, Sergio Segalini ka thënë se komuniteti I zonës është tronditur nga ngjarja ndërsa i riu shqiptar ishte shumë aktiv në ndihmë të kujtdo që kishte nevojë për ndihmë.
Lajme të tjera
-
Itali/ U kap duke shitur kokainë, 29-vjeçari shqiptar lirohet pasi pranoi akuzën, dënohet me kusht (EMRI)
24 Dhjetor, 15:54 -
Sarandë/ Konflikt në familje, gruaja vret burrin në fshatin Metoq (EMRAT)
24 Dhjetor, 08:47 -
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48
