POP 5

Lajmet më të lexuara të 5 minutave të fundit

Bota

E rëndë në Spanjë, 11-vjeçari vritet gjatë lojës së futbollit në fushën e qytetit! Autori e qëlloi aq herë sa kishte dhe moshën

Krimi dje në fushën e futbollit Mocejon të Toledos, në Madrid. Viktima ishte duke luajtur me shokët e klasës, agresori me kapuç e sulmoi direkt

E rëndë në Spanjë, 11-vjeçari vritet gjatë lojës së futbollit në fushën e qytetit! Autori e qëlloi aq herë sa kishte dhe moshën

Në foto, momenti pas vrasjes së 11-vjeçarit në fushë

Madrid- Futbolli është lojë sportive, por jo në pak raste përfundon edhe në incidente me bilanc tragjik.

I tillë ka qenë ai që ka ndodhur dje në Spanjë, në një fushë të gjelbërt në Mocejon të Toledos, qarku i Madridit. Një djalë 11-vjeçar u godit me thikë për vdekje pas një sherri (18 Gusht).

Ngjarja ka ndodhur në orën 10:00 të mëngjesit, në qytetin e Toledos. Roja Civile konfirmoi krimin dhe tha se ka nisur kërkimet për autorin e dyshuar. Fusha e futbollit “Ángel Tardío”, ndodhet në Mocejón, një qytet në Toledo, me rreth 5000 banorë.  

I mituri i identifikuar si Mateo, po luante futboll me shokët e klasës, teksa sipas dëshmive të marra nga autoritetet e rajonit në Castilla-La Mancha, agresori, i cili ishte me kapuç, iu afrua grupit dhe e goditi viktimën 11 herë me thikë (aq sa vjeç ishte).

“I mituri pati arrest kardiorespirator përpara se shërbimet e urgjencës ta ndihmonin. Me gjithë përpjekjet e mjekëve, Mateo nuk mundi të shpëtonte. Banorët e qytetit, përfshirë kryebashkiakun Conchi Cedillo, janë mbledhur në vendngjarje për të shprehur dhimbjen dhe solidaritetin e tyre”, raportoi gazeta sportive “AS”.

Kërkimi për autorin po zhvillohet nga toka dhe ajri, teksa besohet se i dyshuari mund të ketë ikur me një “Ford Mondeo” ngjyrë gri.

“I gjithë qyteti është thyer nga dhimbja”, njoftuan autoritetet bashkiake.

Roja Civile spanjolle duke shkuar në vendngjarje

Ndikimi i krimit ka qenë i thellë në komunitet. Kryebashkiaku i Mocejón, Concepción Cedillo, ka shprehur refuzimin total të asaj që ndodhi, duke theksuar dhimbjen e pamasë që ndjen qyteti për humbjen e një fëmije të pafajshëm.

Familja e të miturit ka kërkuar kujdes dhe respekt në këtë kohë të vështirë, duke kërkuar që të shmangen thashethemet e pabaza. Tezet e djalit ishin pranë fushës së futbollit në momentin e sulmit dhe dëgjuan një djalë që bërtiste se shoku i tij ishte vrarë.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kredimarrësit e këqinj s’do marrin më kredi, si e vlerësoni rregulloren e BSH?

Lajme të tjera



×

Lajmi i fundit

Aksident i rëndë në Korfuz, shqiptarja vdes pas përplasjes me shtyllën

Aksident i rëndë në Korfuz, shqiptarja vdes pas përplasjes me shtyllën

19 Gusht, 11:16