Tiranë- Dy të mitur në një monopatinë, dhe një tjetër shok i tyre në një monopatinë tjetër, ishin duke lëvizur në korsinë e biçikletave në bulevardin “Dëshmorët e Kombit” pranë Piramidës. Nuk është ende e qartë, por ka dyshime, se të miturit nuk kanë pritur semaforin jeshil, dhe kanë vijuar drejt rrugën me të kuqe, për të kaluar kryqëzimin e për të ecur drejt ish-hotel Dajtit.

Në këtë ecje të tyre, në kryqëzim rruga iu ndërpre nga një automjet që sapo kishte kaluar semaforin e unazës dhe do vijonte rrugën drejt për nga ura e ish-bllokut.

Ky automjet i bardhë i rrjetit të supermarketeve “Pronatyra”, i përplasi të miturit në të dyja monopatinat në kryqëzim, dhe i mori para për disa metra, duke u ndaluar në cep të lulishtes të “Tajvanit”. Makina ishte duke ecur në korsinë e dedikuar të mjeteve të transportit publik.

Përplasja ka qenë e fortë, çka reflektohet edhe nga gjurma në xhamin e përparmë të makinës.

Mjetet e 3 të miturive, 2 monopatinat, thuajse janë shkatërruar.

Dy të vegjël, 9 dhe 11 vjeç, mësohet se janë në gjendje shëndetësore të stabilizuar nën kujdesin e mjekëve në spitalin e traumës me dëmtime në krah dhe në këmbë.

I treti, një 11-vjeçar është në gjendje të rëndë. Siç bluzat e bardha thonë për Report Tv ai ka marrë një goditje në kokë.

Përplasja e rëndë ndodhi rreth orës 10:30. Shoferi 41-vjeçar i automjetit, është shoqëruar në polici deri në sqarimin e rrethanave të aksidentit. Një ekspertizë e plotë pritet të nxjerrë në dritë nëse fëmijët kaluan rrugën me semafor të kuq, apo edhe nëse shoferi i makinës ka qenë me shpejtësi tej normave të lejuara.

 

Xh.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lymi: 25/06/2025 17:45

    Çuni im eshte 4 vjeç dhe del me monopatine,,,pse nuk duhet te dali me minopatine???a e ndalon gjê ligji

    Përgjigju
    • Sabiani: 26/06/2025 10:38

      O lymo cuni jot 4 vjec nuk fshin dot qurret e veta jo mo t eci me monopatin.

  • Reli: 25/06/2025 16:55

    Monopatinat jane shume problematike dhe duhet nderhyrje e forte, por mund te na shpjegoje dikush se cfare donte ky " trimi" tek korsia e autobuzit dhe me cfare shpejtesie ishte? Jemi perdite deshmitare te shofereve te ketille qe nuk respektojne radhe, korsi dhe karexhata. Policia duhet te veproje me dore te hekurt kundra ketyre shofereve dhe atyre qe bllokojne korsite ne vende qe ndalohet qendrimi.

    Përgjigju
  • luli: 25/06/2025 14:13

    gjithashtu makina eshte me siguracion te skaduar q

    Përgjigju
  • Kontrollori: 25/06/2025 13:54

    Monopatinat jane bere rrezik I perditshem ne rruge ne trotuare dhe zona pedonale. Shpejtesia disa here mbi normat e lejuara. Kudo ne bote ligji I ndalon mbi 25km/h ndersa ketu ata bejne gara mbi 40-50km/h. Asnje kontroll asnje limit moshe asnje penalitet. Shoferi ka qene shpejt dhe ne korsi te gabuar dhe te mbaje pergjegjesine por ligji duket inekzistent per monopatinat apo skuterat elektrik qe cdo femije 5-17 vjec nuk mban asnje lloj pergjegjesie

    Përgjigju
  • ***: 25/06/2025 13:29

    Cduan femije 9 vjec me monopatine mes rrugeve te Tiranes? Te vihet kufi moshe dhe kasko e detyruar.

    Përgjigju
  • Lindi: 25/06/2025 12:45

    Skuterat dhe Monopatinat janë bërë të rrezikshëm. Ecin në rrugë, në korsinë e biçikletave dhe tortuare. Policia të kontrollojë zbatimin e rregullave.

    Përgjigju
  • Adi: 25/06/2025 12:07

    Ti ndaloj policia se futen kot me kot jo me larg se sje desh.e shtypa nje u fut me senator te kuq ku drita Jeshile kishte 30 sec e hapur

    Përgjigju
  • Sondazhi i ditës: 31 Mars, 11:25

    A besoni se Drejtori i ri Policisë, Hita do luftojë krimin dhe korrupsionin?

Lajme të tjera