E rëndë/ Ranë nga ura teksa xhironin për një serial televiziv, ndërrojnë jetë aktorët

Dy aktorë meksikan kanë ndërruar jetë teksa ranë nga një urë gjatë xhirimeve për serialin televiziv "Sin Miedo a la Verdad".  Lajmi u konfirmua nga rrjeti meksikan Televisa, të cilët përmes një njoftimi thanë se Jorge Navarro Sánchez dhe Luis Gerardo Rivera ishin duke xhiruar një skenë në momentin e incidentit.

"Lutjet dhe ngushëllimet tona shkojnë me familjet e Jorge dhe Luis Gerardo", vijoi më tej në deklaratën për media rrjeti.

Produksioni ishte duke punuar me autoritetet për sqarimin e rrethanave të ngjarjes, thanë përfaqësues të rrjetit Televisa, duke mos dhënë detaje të sakta rreth incidentit që përfundoj me vdekjen e dy personave.

Navarro Sánchez dhe Rivera ishin duke xhiruar sezonin e tretë të "Sin Miedo a la Verdad" (Pa frikë nga e vërteta). Seriali tregon historinë e një hakeri të ri ndërsa ai ndihmon viktimat e krimit, sulmit në internet dhe korrupsionit.

Përveç rolit të tij në serialin e Televizës, Navarro Sánchez së fundmi u shfaq në "Monarca" të Netflix. Ndërkaq, Rivera ishte pjesë e kastit të serialit televiziv popullor të Telemundo "El Señor de los Cielos".

b.l./Shqiptarja.com
  • Sondazhi i ditës:

    Rritet gjoba për celularin dhe drejtimin e makinës në gjendje të dehur! A jeni dakord me ashpërsimin e Kodit Rrugor?

Komento