Një ngjarje e rëndë ka ndodhurnë orën 05:00 të mëngjesit të sotëm (9 tetor 2024) në San Felice, në provincën e Caserta-s, në Itali. Një shqiptar ka vrarë gruan e tij në sy të fëmijëve të tyre.
Sipas mediave italiane, 30-vjeçari shqiptar Lulzim Toci, punëtor bujqësie në zonë, vrau gruan e tij shqiptare 24-vjeçe, Eleonora, në kulmin e një debati mes tyre, duke e mbytur para syve të dy fëmijëve të tyre të mitur, përkatësisht 4 dhe 6 vjeç, shkruan "La Repubblica".
Pas ngjarjes së rëndë, autori u arrestua nga policia, ndërsa efektivët kanë deklaruar se 30-vjeçari u gjet duke qëndruar para hyrjes së banesës, në gjendje të rënduar psikologjike. Shkak dyshohet depresioni nga i cili vuante kohët e fundit, por po verifikohen edhe pistat e tjera.
Policia italiane po vijon punën për përcaktimin e motivit të ngjarjes. Viktima kishte shkuar para një muaji në Itali.
Pas ngjarjes, policia është njoftuar nga kunata e Lulzimi I ka kërkuar ndihmë kuntës së tij për të dërguar Eleonoren në spital. Ajo ka telefonuar me videothirrje nipërit e saj të cilët i kanë treguar se çfarë kishte ndodhur. Më pas motra e të ndjerës ka tëlefonuar policinë e cila e ka gjetur 30 vjeçarin pranë banesës së tij dhe më pas e ka arrestuar.
Policia italiane në vendngjarje
Momenti më i dhimbshëm i të gjithë historisë së krimit në familjen shqiptare në Caserta ka qenë telefonata me videokamera e tezes së fëmijëve.
Në fakt ka qenë Lulzim Toci që pasi mbyti në gjumë në shtratin bashkëshortor 24-vjeçaren që ndodhej në Itali prej një muaji, shkoi të shtëpia e kunatës dhe i tronditur i tha se kishte kryer krimin. Ajo nuk e besoi dhe telefonoi në banesë.
Iu përgjigj nipi 6-vjeçar me videokamera. Nga krahu tjetër ai i tha se “babi ka vrarë mamin!”, shkruan “La Repubblica”. Jo vetëm kaq, por me anë të kameras ai ka treguar edhe trupin e pajetë të nënës në shtrat.
Ky ka qenë momenti më shokues dhe menjëherë ajo ka telefonuar policinë dhe nxituar te shtëpia për të marrë nipërit. Me vdekjen e Eleonora Tocit, numri i tmerrshëm i krimeve kundër femrave arriti në 31 vetëm në vitin 2024 në të gjithë Italinë.
Para prokurorit Gaudino të gjykatës Santa Maria Capua Vetere, Lulzim Toci pas arrestimit bëri deklarata konfuze për krimin e kryer por motivi mbetet ende për t'u sqaruar.
Ai u arrestua nga policia gjyqësore për vrasje të rëndë. 30-vjeçari u dërgua në burgun Santa Maria Capua Vetere. Prokuroria ka urdhëruar dërgimin e trupit të pajetë në spitalin e Caserta, për autopsi.
Shtëpia ku ndodhi krimi në familje
Lulzim Toci, shqiptari i dyshuar për krimin dhe skena e krimit në Itali
Zbardhen detaje të reja nga krimi i rëndë në familjen shqiptare, në Caserta të Italisë, mëngjesin e sotëm (9 Tetor), teksa bashkëshorti ka mbytur gruan në sy të dy fëmijëve të mitur, në gjendje të rënduar depresive.
Eleonora Toci, është 24-vjeçarja shqiptare viktimë e duarve të burrit të saj Lulzim Toci, 30 vjeç, me banim në San Felice a Cancello. Por detaji më i dhimbshëm ka qenë fakti se viktima ndodhej në vendin fqinj vetëm prej 1 muaji.
Ajo ishte bashkuar me bashkëshortin e saj, Lulzim Toci, një punëtor bujqësi 30-vjeçar. Çifti kishte marrë një shtëpi më të madhe për nevojat e tyre, në “Via Caravaggio”, për të jetuar me fëmijët e tyre, respektivisht 6 dhe 4 vjeç. Pikërisht në atë shtëpi, në agim, ndodhi tragjedia.
Sipas këqyrjes paraprake të hetuesve, Lulzimi ka shtrënguar fort duart rreth qafës së 24-vjeçares. Edhe pse Leonora u përpoq të mbrohej, pa sukses. Krimi makabër ndodhi në dhomën e gjumit të çiftit.
Hetuesit thanë se vrasja me siguri është kryer teksa viktima ka qenë duke fjetur, version ky ende i pa verifikuar plotësisht. Fqinjët, nga sa mësojmë, nuk kanë dëgjuar britma apo debat në vazhdim, shkruan "CasertaNews".
Lulzimi pas vrasjes doli nga shtëpia dhe shkoi te kunata. Ai kërkoi ndihmë. Gruaja, e pabindur për atë që kishte ndodhur, bëri një telefonatë me video në telefonin e Eleonorës. Njëri nga fëmijët u përgjigj në anën tjetër, që ka pohuar se “babi vrau mamin”.
Në atë moment gruaja lajmëroi policinë. Karabinierët e kompanisë së Maddaloni shkuan në vendngjarje dhe gjetën trupin e pajetë. I dyshuari u gjet në gjendje depresive të rënduar dhe i çorientuar plotësisht.
Ekspertët italianë në shtëpinë e krimit
Komente
Lajme të tjera
-
Itali/ Trafik kokaine dhe rekrutim i korrierëve me pagë 3 mijë euro në muaj e strehim, çmontohet organizata shqiptare, 8 të arrestuar
18 Dhjetor, 15:44 -
Policia e Durrësit ekzekuton vendimin për konfiskimin e 4 pasurive të 'Zotit të drogës' Alket Hatija! Dy apartamente, një truall e një garazh, Italia e dënoi me 20 vjet burg për drogë
18 Dhjetor, 12:08 -
Nga 1 janari 2025, Milano do ndalojë pirjen e duhanit në ambiente publike
17 Dhjetor, 21:18 -
Dhunoi partneren me sende të forta në prani të fëmijës, arrestohet 29-vjeçari shqiptar në Itali
17 Dhjetor, 17:28 -
Në burg prej 2021 për trafik droge, rëndohen akuzat për kapon e ultrasve të Milanit! Sky ECC nxjerr bashkëpunëtorin e tij të ngushtë shqiptar (EMRI)
17 Dhjetor, 16:47 -
Itali/ Ekipet e shpëtimit punojnë për të shpëtuar 32-vjeçaren e bllokuar 585 metra nën tokë
16 Dhjetor, 21:25 -
E konfirmojnë në Itali, Juventusi futet në garë për Cristian Shpendin! Vëzhgues në disa ndeshje
16 Dhjetor, 17:02 -
Itali/ Shisnin 2 kg kokainë në muaj me fitim ditor 6 mijë euro, 6 persona të arrestuar! Shqiptari drejtonte organizatën, paga deri në 5 mijë euro
16 Dhjetor, 16:12 -
Itali/ Shqiptari me precedentë kapet me ‘Mercedes Class’, hyri ilegalisht pas dëbimit! 4 ‘skifterët’ çajnë rrethimin policor dhe arratisen
15 Dhjetor, 21:13 -
‘Asnjë hap pas!’ Meloni-Opozitës: Gjadri do funksionojë, edhe nëse fle atje çdo natë! Marrëveshja e emigrantëve, ‘tmerri' i trafikantëve (VIDEO)
15 Dhjetor, 17:18 -
Itali/ Arratisje si në filma e bandës së ‘skifterëve’, kapet shqiptari i dënuar me 6 vite burg në Gjermani për 17 vjedhje! 2 ikën, ai ngeci në baltë
15 Dhjetor, 16:28 -
Itali/ I dënuar me 4,2 vite burgim për zhvatje dhe shpifje, kapet pas katër vitesh kërkimi 43-vjeçari shqiptar
15 Dhjetor, 16:05
Ca behet kshu? Une ne 5 te mengjesit jam duke pare endrra ndersa tjetri ka kohe per shamate e vrasje or teeeejjjjj
Përgjigju