TIRANË- Tirana do të jetë "fushë-beteja" për Jozefina Topallin në zgjedhjet e 25 prillit me partinë e saj të re "Lëvizja për Ndryshim". Qëllimi, sipas saj nuk është një karrige në parlament, se këtë e ka pasur, madje ka qenë në krye, por që të sjellë një ndryshim, largimin e tre kryetarëve të partive të mëdha që kanë marrë peng vendin. E ka fjalën për Edi Ramën, Lulzim Basha dhe Ilir Metën! Ky i fundit, për të vijon të jetë në krye të LSI-së, edhe pse jo në mënyrë demostrative.
Në një intervistë ekskluzive për Report Tv me gazetarin, Topalli ka zbardhur takimin e ambasdoren e SHBA-së, Yuri Kim. Topalli nuk ka preferuar që të zbulojë se kush ka qenë iniciator i këtij takimi, por tregon se është diskutuar për shumë çështje që nga zhvillimet politike, ekonomike, për të ardhmen e vendit dhe nevoja për një opozitë që sipas saj nuk lufton për interesa personale, siç po ndodh aktualisht.
Në një kohë kur kryetarja e LSI-së, Monika Kryemadhi i ka bërë ftesë publike për koalicion, Topalli e ka mohuar kategorikisht një mundësi të tillë sepse partinë e saj të re 'Lëvizja për Ndryshim' e "pagëzon" si një lëvizje një protestë kundër tre partive të mëdha së bashku me kryetarët e tyre.
Një koment e ka pasur edhe Komisionin e kandidatëve në PD-së, të cilët e ka quajtur si 'Enverizëm', që sipas saj nxit liftën civile brenda partisë.
VIDEO/Intervista e plote
Jozefina Topalli do të garojë për deputete në Tiranë, pasi këtu shprehet se do të bëjë betejën e saj, por duke theksuar se nuk po lufton thjesht për një vend në parlament, sepse këtë e ka pasur, por për të ndryshuar vendin.
Ku do të kandidojë Jozefina Topalli në zgjedhjet e 25 prillit?
Kjo është gjëja më e parëndësishme, por unë betejën do ta bëj në Tiranë, por edhe në çdo qytet të vendit tonë. Dua të sqaroj një gjë, që në këtë betejë nuk hyj thjesht për të marrë një karrige parlamenti, sepse mund ta kisha siguruar edhe në variantin e mëparshëm që ju thatë. Unë e kam pasur këtë karrige për vite të tëra dhe nuk më jep, nuk më shton asgjë nga ajo që kam pasur. Unë i kam arritur të gjitha këto gjëra në jetën time politike. Beteja që po bëj nuk është për veten time. Në fakt është një sakrificë që kam ndërmarrë, por e bëj në emër të të gjithë atyre me të cilët kam punuar 20 vite rresht, edhe të atyre që ndoshta nuk i kam pasur përkrah por që janë të zhgënjyer nga të tre kryetarët në këtë moment që ne po flasim.
Besoj se e keni dëgjuar që me ndryshimet kushtetuese, ju jepet mundësia që të kandidoni në më shumë se një qark, si emër i parë duke qenë kryetare e kësaj force politike. Apo nuk do të jeni ju?
Me kohë do të flasim përsëri dhe do të diskutoj me ata me të cilët unë do të bashkëpunoj.
Jozefina Topalli ka dalë kundër Komisionit të Vlerësimit të kandidatëve në PD. "Enverizëm" e ka quajtur ajo, sipas së cilës e ka futur partinë në një luftë civile.
"Nuk dua të gjykoj komisionin sepse unë shoh thelbin te mënyra e procedimit që s’ka lidhje me komisionin, qoftë me formularin që është fyes, qoftë edhe me formularin e dytë që kërkon që çfarëdo të ndodhë nga përzgjedhja apo nga eliminimi nga lista për kandidim, ti duhet të mbyllësh gojën dhe s’ke të drejtë të ankohesh dhe të thuash asnjë fjalë pakënaqësie. Ky është enverizëm. Përveç faktit që ka krijuar, në fillimet e veta, ky proces krijoi një luftë civile brenda forcës politike. Nuk e meriton PD-ja që ta fusësh në procese ku të votosh më të keqin. Nuk votohet më i keqi, as nuk votohet për inat. Votohet ai që ka emrin më të mirë, reputacionin më të mirë, ai që mbledh vota më shumë, jo ai që është servil më shumë apo ai që të propozon kunati. Kjo është e papranueshme. Ndaj edhe po them që di të bëj ndarje edhe shqetësimi edhe problemet e mëdha që ndodhin brenda asaj force politike", tha Topalli.
Kryetarja e LSI-së, Monika Kryemadhi është shprehur e hapur për një koalicion me "Lëvizjen për Ndryshim" me qëllimin për largimin e Ramës, megjithatë, Topalli e ka përjashtuar një mundësi të tillë. Kur flet për 3 kryetarët e partive që kanë marr peng vendit, Topalli fut në këtë listë edhe Kryemadhim.
"E përsëris edhe një herë, që unë jam shumë e qartë. Vendi ynë ka nevojë për t’u çliruar nga tre kryetarët dhe 25 prilli do të japë një përgjigje ndaj tre kryetarëve që mbajnë peng këtë vend", tha Topalli.
Për Report Tv, ish- kryeparlamentarja Jozefina Topalli ka zbardhur takimin me ambasadoren e SHBA-së, Yuri Kim. Nuk ka preferuar të tregojë se kush ka qenë ajo që ka kërkuar takimin, por megjithatë është shprehur se kanë diskutuar për shumë çështje.
Pak muaj më parë u bë publik në të gjitha mediat një lajm se ju kishit pasur një takim me ambasadoren e SHBA-ve zonjën Juri Kim, në Tiranë. A është i vërtetë një informacion i tillë dhe nëse po, për çfarë diskutuat?
Kemi diskutuar shumë gjatë për të gjitha zhvillimet politike, ekonomike, për të ardhmen e vendit tonë dhe për nevojën për të pasur një vend, i cili ka nevojë për një qeveri që del nga vota e lirë, ka nevojë për një opozitë që nuk tradhton misionin e saj, ka nevojë për të luftuar korrupsionin, ka nevojë për të pasur një administratë që t’u shërbejë qytetarëve, ka nevojë për t’u dhënë shpresë të rinjve.
Ishte ambasadorja Juri Kim një nga iniciueset apo mbështetëset e para që ju të ktheheni në politikë dhe të keni forcën tuaj politike?
Jo, nuk mund ta them këtë. Nuk qëndron një gjë e tillë. Biseda ka qenë e gjerë, parimore dhe për zhvillimet, por nuk ka lidhje as me iniciativat personale, as me rastin në fjalë.
Takimin e kërkuat ju apo zonja Kim?
Mendoj se është më korrekte po të mos jap përgjigje.
Nuk e ka menduar kurrë që të bëhet presidente evendit, edhe pse emri i saj është laruar shumë! Kjo sepse për Jozefina Topallin ky është një pozicion komod, dhe ajo nuk e kërkon nga vetja një gjë të tillë. Topalli shpehet se ajo është një njeri i sfidave.
Sa herë që është diskutuar një dorëheqje e mundshme e zotit Ilir Meta, apo edhe më herët, emri juaj është lakuar si Presidente e Shqipërisë. Përtej probabilitetit për të qenë diçka e realizuar apo jo, ju e keni si një dëshirë apo ambicie personale që të jeni kryetare e shtetit shqiptar?
Asnjëherë s’e kam pasur. Dhe fakti që jemi këtu ku jemi sot, tregon edhe një herë sesa false dhe të pabazuara kanë qenë shpifjet gjatë kësaj periudhe.
Pra, nuk ka pasur asnjë komunikim disi zyrtar, p.sh. me përfaqësues të qeverisë?
Asnjëherë. Asnjëherë nuk kam dëshiruar, nuk kam menduar për një pozicion i cili nuk ka asnjë kompetencë. Mua më pëlqejnë betejat. Unë jam kjo që jam, në beteja. Nuk më pëlqejnë pozicionet komode. Edhe kësaj radhe unë ika nga pozicioni komod i të qenit afër familjes, mgjithëse ishte një dashuri e madhe ajo që kam kaluar gjatë kësaj periudhe sepse kam pasur mundësinë të rrija më shumë me familjen time, për t’u hedhur në një betejë që është e vështirë por që ia vlen ta bësh sepse në fund të fundit, unë jam optimiste për atë çfarë do të ndodhë më 25 prill.
Ish- kryetarja e parlamentit, Jozefina Topalli ka deklaruar se ka komunikuar vazhdimisht me ish- kryeministrin Sali Berisha, por që nuk e ka uruar për partinë e re.
Ju ka ururar zoti Berisha për krijimin e forcës së re politike, lëvizjes së re në vend?
Unë kam një komunikim të vazhdueshëm me zotin Berisha, por jo për çështjen e iniciativave që janë në mendjen dhe në shpirtin tim prej kohësh.
Ka përgjegjësi zoti Berisha për atë se çfarë po ndodh sot në PD, duke qenë lideri historik i saj dhe në njëfarë mënyre, nuk është gjë e fshehtë nëse themi se zoti Basha ishte i preferuari i tij për të qenë në krye të asaj force politike?
Një njeri që ka dhënë dorëheqjen nga posti i kryetarit të partisë, nuk mund të mbajë përgjegjësinë e pasuesit.
Teksa Basha e ka quajtur , shtojcë të Ramës, Topalli tha se në këtë "fushë betejë" nuk ka asnjë personale. Ajo ka theksuar se ndarja me Bashën ka ardhur pasi ky i fundit ka vendosur interesat personale, para asaj të kombit.
"Ky është një diversion që ai përdor përmes veglave të tij, për të krijuar idenë se kjo është një çështje personale. Këtu nuk ka asgjë personale. Është e gjitha një çështje ideore, është një çështje mendësie, parimesh dhe vlerash. Unë ndahem me këdo, nëse dikush nuk pranon votën, nuk pranon debatin, kartën morale të pushtetit moral me të cilin duhet të funksionojë një opozitë, nuk pranon të bëjë betejën kundër qeverisë me të gjitha forcat por bie në nivelin e pazareve dhe të interesave private e familjare. Nuk pranoj as kur një politikan ndjek vetëm politika personale. Këtu gjërat janë shumë të thjeshta për mua, por edhe krejt distant me pjesën tjetër. Kështu që përpjekja për ta kthyer në personale është shumë infantile në fakt, por edhe djallëzore", tha Topalli.
Jozefina Topalli e ka cilësuar "Lëvizjen për Ndryshim' si një lëvizje protestë ndaj politikës në Shqipëri, më konkretish kundër tre kryetarëve të partive të mëdha në vend, sipas së cilës kanë marrë peng të ardhmen e vendit.
"Në fakt ka diskutime të ndryshme, mund të ishte bërë më herët, shumë më herët. Unë besoj se është koha tani. Sigurisht që do të jenë shqiptarët ata që do të bëjnë vlerësimin në momentin e caktuar, në fund të prillit. Një ndër arsyet përse nuk është krijuar më parë një lëvizje politike, është sepse unë kam dashur, me të gjithë forcën e shpirtit tim, që reformat të ndodhnin brenda forcave politike. Për sa kohë që ne vuajmë një krizë politike përveç krizave të tjera ekonomike, sociale, shëndetësore, morale, të përfaqësimit etj., por krizat që janë derivate të asaj që kriza themelore fillon nga forcat politike, unë kam dëshiruar, kam bërë ftesë, kam shkruar për nevojën dëshpëruese që kanë të gjitha forcat politike në Shqipëri, për t’u çliruar nga pengmarrja, për të rikthyer demokracinë brenda vetes, për të rikthyer debatin brenda vetes, për të kthyer kartën morale brenda vetes. Në momentin ku ne jemi, që s’ka më kohë për të humbur, do të doja që edhe në këto momente që po flasim bashkë, të kishim drejtues politikë të rinj dhe të pakorruptuar të këtyre forcave politike. Por me sa duket, ata janë peng i shumë problemeve që kanë brenda vetes në këto kohë politike, që nuk lëvizin dhe nuk i lëshojnë karriget e tyre politike. Dhe pikërisht, kjo lëvizje që besoj se do të kthehet edhe në një lëvizje politike, ka për qëllim ose në qenien e saj është një lëvizje proteste. Është protestë kundër vjedhjes, është protestë kundër korrupsionit, është protestë kundër varfërisë së shqiptarëve, është protestë kundër mbylljes së vendeve të punës, është protestë kundër tradhtisë ë kryetarëve të partive që nuk kanë punuar për interesin publik, por e kanë zëvendësuar atë me interesin privat", tha Topalli.
Ndalur te prezantimi i saj, ajo është shprehur se të rinjtë që i janë bashkuar kësaj lëvizjese kanë qenë në një presion të jashtëzakonshëm.
"Mua nuk më bëjnë përshtypje presionet, nuk kanë funksionuar as përpara 20 vitesh, kur jetonim në një Shqipëri të destabilizuar. Sigurisht që tani pas 20 viteve ato nuk kanë asnjë efekt. Sigurisht që kisha keqardhje për të rinjtë që ishin nën një presion të jashtëzakonshëm, por ata e kanë treguar veten që kanë integritet dhe janë njerëz të lirë dhe liria është gjëja më e bukur që brezi juaj, që ka lindur pas viteve ’90, e ka pjesë të shpirtit të tij dhe të ndërgjegjes së tij. Dhe nuk ka as kërcënim dhe as presion që t’i frikësojë apo t’i detyrojë të rrinë të heshtur e të tërhequr, në mënyrë të veçantë, në kushtet kritike të vendit tonë, kur jeta ekonomike, por edhe jeta në tërësi e çdo shqiptari dhe e çdo familjeje shqiptare është e dëmtuar në mënyrë kritike, në balancat e demokracisë dhe në balancat e ekonomisë. Unë e kam përsëritur, por dua që ta përsëris edhe sot, që një vend, ku 40% e popullsisë jeton me më pak se 45 dollarë në ditë, është një vend në buzë të greminës. Ka vetëm dy variante dhe dy mundësi. E para, që do të ishte edhe më e keqja, se e keqja s’ka fund, që të shkojë në destabilizim. Dhe e dyta, që është e mundshme dhe që mund të bëhet, por edhe që është edhe më e thjeshta, që do të jepte një kthesë të madhe për një fillim të ri, është ajo e rrëzimit të të tre kryetarëve, të cilët mbajnë peng jetën politike të Shqipërisë. Dhe ftesa ime dhe kjo lëvizje, që është një lëvizje proteste kundër këtyre tre kryetarëve, është një mundësi për shqiptarët që më 25 prill të votojnë kundër tre kryetarëve, të çlirohen nga pengmarrja e tyre, të çlirohen nga fakti ose nga realiteti ku ekonomia është e dominuar prej tyre, konsiderohet një ndërmarrje ekonomike e tyre dhe që jeta, bankat, mundësia, punësimet etj., të përcaktohen nga këta tre kryetarë. Kështu që në këtë aspekt, duke qenë një lëvizje proteste, unë besoj se përcjell protestën e çdo shqiptari që ndoshta s’ka mundësinë që të ketë hapësira publike dhe hapësira mediatike, por që thotë ato që ndien në shpirt, ankthin dhe stresin e tyre për jetën dhe për fëmijët e tyre", tha Topalli.
Komente
Lajme të tjera
-
'Topalli me diasporën, nuk e di a do ketë energji?!' Meçe në 'Studio Live': Nuk e shoh normale që sekretet e shtetit të jenë tek telefoni i Monikës
5 Nëntor, 18:28 -
Berisha rikthen Topallin, e emëron koordinatore për diasporën përballë Ballës! Alizoti zëvendëson Salianjin në Elbasan! Fisnik Qosja për Kavajën e Rrogozhinën
5 Nëntor, 16:20 -
Zgjedhjet 2025/ Topalli, Spaho e Baçi jashtë drejtimit! Ja lëvizjet brenda PD-së! I qëndruan pranë në ditët më të vështira, si u spostuan mbështetësit e Berishës
5 Shtator, 16:50 -
Rithemelimi shpërblen Bardhin e Gjekmarkajn me postin e nënkryetarit, Këshilli miraton ndryshimet mes debatesh! Tabaku refuzon Berishën
5 Mars, 15:42 -
Cindy Marina feston ditëlindjen, urimi i Jozefina Topallit merr gjithë vëmendjen
18 Korrik 2023, 21:07 -
Disfata e 14 majit, Topalli: Fenomeni ‘Rraja’ në Lezhë! Topalli: S’na lanë as vulën as emrin
18 Korrik 2023, 15:28 -
FOTO/ Vajza e Jozefina Topallit, martohet në Shkodër! Ja si duket me fustanin e nusërisë
1 Korrik 2023, 08:06 -
Rrëfimi i Luizit, Evi Kokalari: Nuk e mbante gojën mbyllur dreqi e marrtë, s’kuptoj ku mbaron PD dhe fillon PS! Edhe Xhozi për Benetin do votojë?
2 Maj 2023, 12:09 -
Skëndër Minxhozi: Kush zhduket nëse nuk fiton Foltorja në 14 maj?!
18 Prill 2023, 14:03
-
Arbana krahasoi Efin me Jozefina Topallin, ja reagimi epik i Luizit
16 Prill 2023, 15:30 -
Atentati ndaj kreut të Rithemelimit në Vaun e Dejës, Topalli: Fushata u çel me tritol! Nuk ka lidhje me Bernardin si person, por me kreun e PD
11 Prill 2023, 16:16 -
Topalli e bindur për fitoren e Rithemelimit në Lezhë: Në zgjedhjet e 14 majit fitojmë të gjitha bashkitë e qarkut
15 Mars 2023, 20:05
Po Institutin e Misrit(karabushit) do e ringrej kjo?
PërgjigjuO ZHELEFINA JE MË KEQ SE LYLI DYLI SE TI KE QEN PJES E PARTIS QENEF WC PD. PO TI SULMON ME KAP NDONJË LLOKËM SE KE NGEL THAT SE ISHE MËSUAR TU VJEDH ME TË DY DUART. PO KUSH ËSHTË AI SHQIPTAR IDJOT QË TË HEP VOT TY MOJ ZHELE E SHKODRËS ISH SPIUNE E SIGURIMIT.PTY RAC E KEQE.
PërgjigjuSHKO E KANDIDO NE SHKODER,,JOZEFINE TI JE SHKODRANE,,NUK DUHET TE VESH KANDITATUREN NE TIRANE....NE SHKODER DO E FITOSH MANDATIN,,NE TIRANE DO E MBASH ME SHKUME...
Përgjigju,,,bukur,provoje ne Tirane zoja "futja nje plumb ballit" me ate particken tende,dale nga menga e dr.mortjes,,,,se ketu e ke te sigurt ate qe meriton.
PërgjigjuJe yll ne ngjitje, je magjepse, ke nje elokuence kur flet, te pataks shkurt muhabetit. Ti ke kauze te forte, ti ben revolucion, ti te frymezon, sdi cfare fjale te gjej tjeter per ty. Ti thjesht duhesh kapur per zhelesh e hedhur ne koshin e historise si nje qenie frymore pa asnje vlere, thjesht ke perfituar 30 vjet nen hijen e doktorit. Po e mbyll me nder e lavdi ne sherbim te komunisteve hajdute, se ka pasur edhe komuniste me ideal, ti po e mbyll ne sherbim te rilindasvekomuniste hajdute e matrapaze.
PërgjigjuO ZHELEFINA JE KART E DJEGUR TI SKE ASNJË NDRYSHIM NGA PARTIA QENEF WC PD. SE TI KE QEN PJESTARE E KSAJ PARTIE PAÇAVURE SIÇ ËSHTË PD PARTI ANTIKOMBTARE. VETËM NJË IDJOT TË VOTON TY MOJ ZHELEFIN.
PërgjigjuMe vjen pak keq për Jozefinën sepse e ka te humbur davanë pa e filluar ala. Përseri sa deklaron se mban lidhje me Sali Kriminelin qr ka la duart me gjakun e qindra shqiptareve. Ala nuk e ka kuptua ajo se vetem ky fakt e ban të padeshirueshem për publikun?
PërgjigjuJozi = zhelja e sali vukut!
PërgjigjuS ke per te fituar gje,perderisa mban lidhje me Sali kriminelin qe vrau e preu dhe shkatrroj shqiperine edhe ju nuk jeni pa gje ,je bashkeudhetare me te,qe ja keni ven flaken shqiperise,asgje mos me kujtu shqiptaret vec 97 nuk kan nevoj tjeter,Te uroj vec humbje.
PërgjigjuKu eshte ajo studio luksoze qe po jep intervisten?
PërgjigjuJe e deshtuar ketu ne Tiron! sikur te kandidoshe edhe ne Shkoder do kishe humbur me turp! Prandaj nuk ke kandiduar ne Shkoder se Shkodranet nuk te besojne më,se e late Shkodren me keq se gjith Shqiperine edhe nen drejtimin 27 vjeçar te partise suaj te krimit,dhe krimineleve.
PërgjigjuJu z.Jozefin, gjithmon pozicione komode keni pasur,gjithashtu edhe aftesia juaj menaxheriale le per te deshiruar.Nuk e di,por tju imagjinosh ju ministre ose Kryeministre,lere fare,ik me vrap.
Përgjigju