POP 5

Lajmet më të lexuara të 5 minutave të fundit

Kronikë

E shpalli tradhtar, por ja si Berisha e shpërbleu me post relatorin që rrëzoi paktin Basha-Bakojanis për faljen e detit

Berisha emëroi në Gjykatën e Lartë dy anëtarë të Gjykatës Kushtetuese Xhezair Zaganjorin dhe Admir Thanzën që votuan pro rrëzimit të marrëveshjes së detit në prill 2010, kur i duhet të mbrojë paktin i sulmon, ku i duhej të kapte drejtësinë i promovoi 

E shpalli tradhtar, por ja si Berisha e shpërbleu me post relatorin që rrëzoi paktin Basha-Bakojanis për faljen e detit

Ish- kryeministri Sali Berisha

TIRANË- Ish-kryeministri Sali Berisha i konsideroi dje tradhtarë dhe sharlatanë anëtarë e Gjykatës Kushtuese, të cilës sipas tij, nën ndikimin e Turqisë, si dhe në bashkëpunim me Edi Ramën dhe të manipuluar nga Myslim Pashain, rrëzuan marrëveshjen për ndarjen e detit me Greqinë. Bëhet fjalë për marrëveshjen e fshehtë të firmosur nga Lulzim Basha dhe Dora Bakojanis, mesditën e 27 prillit 2009, duke i dhuruar Greqisë  354.4 km2 sipërfaqe ujore në detin Jon të Shqipërisë. Marrëveshja u rrëzua si antikushtetuese në 15 prill 2010. Pro rrëzimit të paktit detar votuan të gjithë anëtarët e Gjykatës Kushtetuese, konkretisht Vladimir Kristo, Fehmi Abdiu, Kujtim Puto, Petrit Plloçi, Vitore Tusha, Sokol Berberi, Sokol Sadushi, Admir Thanza dhe Xhezair Zaganjori

Relator i çështjes ishte Xhezair Zaganjori. Tre vjet më vonë, në 1 prill të 2013, Partia Demokratike me në krye Sali Berishën dha pëlqimin me votë në Kuvend për emërimin e Xhezair Zaganjorit në Gjykatën e Lartë. Tre javë më pas, Bujar Nishani, në atë kohë President i zgjedhur po nga Berisha, dekretoi Zaganjorin kryetar të Gjykatës së Lartë. Kur Berishës i duhet të mbrojë paktin me Greqinë, e konsideron relatorin e rrëzimit të paktit si tradhtar, por kur i duhej për të blinduar gjykatat e larta me emërime të të besuarish, e promovon sa nga njëra gjykatë në tjetrën.

Në të njëjtën mënyrë, Berisha emëroi në Gjykatën e Lartë edhe Admir Thanzën, i cili gjithashtu votoi për rrëzimin e marrëveshjes detare, për shkak të shkeljeve flagrante.Thanzës iu hap rruga për në Gjykatën e Lartë vetëm me votat e PD-së në 25 prill 2013. Ndërkaq, katër ishin argumentet kryesore për rrëzimin e marrëveshjes nga Gjykata Kushtetuese: a) mospajisja e delegacionit shqiptar me plotfuqi të rregullt nga Presidenti i Republikës për zhvillimin e negociatave dhe lidhjen e marrëveshjes; b) mangësi serioze në përmbajtjen e marrëveshjes; c) moszbatim i parimeve bazë të së drejtës ndërkombëtare për ndarjen e hapësirave detare midis dy vendeve me qëllim arritjen e një rezultati të drejtë dhe të ndershëm; ç) mosmarrja parasysh e ishujve si rrethana të veçanta në delimitimin e hapësirave detare.

Emërimi i Admir Thanzës nga PD

 Relatori dhe anëtarët e Gjykatës Kushtetuese që rrëzuan paktin detar 

Emërimi i Xhazair Zaganjorit nga PD 

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Goni: 11/09/2020 19:22

    Sali berishen vetem per faljen e detit duhej te varej ..pa le te tjerat... .

    Përgjigju
    • O tej: 11/09/2020 21:05

      Duhet rjepur me bixhakun e Cecos

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57