E veshur me ngjyrat e flamurit ukrainas, ‘spiunia’ ruse del në gjykatë! Gjyqi shtyhet sërish në 4 prill (VIDEO)

ELBASAN- Sërish nuk ka një vendim për ekstradimin e shtetases ruse Svetlana Timofeeva. Gjyqi është shtyrë për në 4 prill ora 14:00, pasi mbrojtja kërkoi kohë për njohjen me konkluzionet përfundimtare në gjuhën ruse. Report Tv sjell video nga seanca e sotme, ku rusja shfaqet shumë e qetë, teksa duket e veshur me ngjyrat blu dhe verdhë, flamuri i Ukrainës.  Ajo është parë duke lexuar një sërë dokumentesh të sjella nga avokati i saj mbrojtës.

Svetlana Timofeeva u arrestua më 20 gusht të vitit 2022 me bashkëkombësin e saj Mikhail Zorin dhe ukrainasin  Fedir Alpatov pranë ish-uzinës së armëve në Ballsh teksa kur i pikasën nga dy ushtarakë i sulmuan me spraj kimik. Në Shqipëri, të tre të huajt  akuzohen për “Goditje për shkak të detyrës”, “Dhënie e informatave sekrete”, dhe “Sigurimi i informatave”, kryer në bashkëpunim.

Rusia kërkon ekstradimin e 33-vjeçares pasi atje është e akuzuar për “Marrje e paligjshme e informacionit që përbën sekret shtetëror”, por ajo ka kërkuar azil në Shqipëri me argumentin se i rrezikohet.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Une: 17/03/2023 11:56

    Jane lojra te FSB eshte e instruktuar te bej sikur nuk do ekstradimin ne Russi,ajo e di qe ketu duhet te marri denim te rende dhe ben lojen e viktimes nga Russia qe sapo te dali ne arrest shtepie te largohet per ne Russi.

    Përgjigju
  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?



×

Lajmi i fundit

Spahiu: Policia shumë e varfër dhe qeveria as nuk investon, as nuk e ka prioritet

Spahiu: Policia shumë e varfër dhe qeveria as nuk investon, as nuk e ka prioritet