Vranë shqiptarin dhe e groposën në një plazh në Greqi, në pranga një 30-vjeçar e partnerja e tij! Para krimit festuan bashkë, kishte një shumë të madhe parash me vete

Vranë shqiptarin dhe e groposën në një plazh në Greqi, në pranga një 30-vjeçar e partnerja e tij! Para krimit festuan bashkë, kishte një shumë të madhe parash me vete

Pamje nga plazhi Kartelës ku u gjet i groposur i riu shqiptar

GREQI- Të tjera detaje janë zbuluar nga mediat greke për vrasjen e 31-vjeçarit shqiptar Eni Dollani nga Gramshi, i cili u gjet i vrarë dhe i groposur në plazhin e Kartelës në Kyparsia.

Policia e Sigurisë së Kalamatës ka arrestuar një shqiptar 30-vjeçar dhe partneren e tij greke por 30-vjeçe, ndërsa në kërkim është bashkëpunëtor një tjetër 24-vjeçar rom. Sipas të dhënave të marra nga hetimi policor, motivi i autorëve ka qenë grabitja.

Mediat greke shkruajnë se viktima dhe autorët dyshohet se janë argëtuar mbrëmjen e së dielës në një lokal në Kyparisia. Sipas të njëjtave informacione, viktima dyshohet se ka pasur në posedim një shumë të madhe parash, që arrinin në mbi 10 mijë euro.

Autorët duket se e kanë kuptuar këtë dhe teksa kanë dalë nga lokali e kanë çuar 31-vjeçarin në plazhin e Kartelës, ku e kanë goditur disa herë me një send metalik në kokë, duke e lënë të vdekur. Më pas ata e varrosën trupin në rërë për të fshehur krimin e tyre.

Që në momentet e para, autoritetet policore kanë shoqëruar disa persona, kanë marrë deklarime dhe kanë arritur në identifikimin dhe gjurmët e autorëve.

30-vjeçari shqiptar dhe 30-vjeçarja greke janë pikasur dhe arrestuar mbrëmjen e së martës në afërsi të Zevgolatio të Bashkisë Oichalia, ndërsa 24-vjeçari është ende në kërkim.

Dy të arrestuarve iu gjetën gjithsej 5300 euro, të cilat dyshohet se vijnë nga grabitja në kurriz të viktimës. Ndaj dy të arrestuarve dhe ndaj 24-vjeçarit është ngritur një dosje për vrasje dhe grabitje.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Kristen Stewart është gati të ketë një fëmijë më të fejuarën e saj

Kristen Stewart është gati të ketë një fëmijë më të fejuarën e saj