Selman Aliaj, 29-vjeçari që vrau babain e tij Fejzo Aliaj pas një debati të ashpër për çështjen e të fejuarës, është dërguar si i pandehur në gjykatën e Krimeve të Rënda, ku rrezikon të dënohet me burgim të përjetshëm.
Ngjarja e rëndë ka ndodhur në 22 dhjetor 2017 në zonën e Shkozës së Tiranës, ku Selman Aliaj ka vrarë me çekiç babain e tij dhe trupin e pajetë të Fejzo Aliaj, e ka hedhur më pas në liqenin e Farkës, ku është gjetur nga kalimtarët e rastit.
I riu Aliaj ka dëshmuar gjatë fazës së hetimeve se gjatë shkarkimit të materialeve në oborrin e shtëpisë ishte me babain e tij. Rreth orës 17:00 të së dielës, i ati i tha se ai do të martohej dhe se gruan “do ta kishin përgjysmë”. Në këtë moment, Aliaj e ka qëlluar të atin me një çekiç artizanal pas koke, duke bërë që ai të humbasë ndjenjat. Më pas, e ka dërguar me mjetin e vëllait te Liqeni i Farkës dhe e ka goditur sërish në ballë me çekiç, pasi sipas tij, ishte ende gjallë. Trupin e ka hedhur në liqen dhe është larguar në drejtim të Kukësit. Ja çfarë tregon më konkretisht në dëshminë e tij 29-vjeçari Selman Aliaj.
“…më 22 dhjetor rreth orës 17:00, kam qenë duke ndihmuar babanë për të shkarkuar disa materiale të vjetra, që na i kishte sjellë tezja me një mjet, që ngarkon mallra. Materialet i kishim shkarkuar në oborr dhe po i sistemonim.
Babai më thotë në një moment se unë duhet të martohesha me vajzën, më të cilën më kishte fejuar ai, dhe se nusen do ta kishim përgjysmë. Në këtë moment mora një çekiç artizanal dhe e kam goditur fort pas koke. Ai ka rënë pa ndjenja në tokë dhe më pas e kam marrë trupin, e kam mbështjellë me një batanije dhe e kam ngarkuar në bagazhin e makinës së vëllait, i cili jeton në Gjermani. Kam shkuar deri në afërsi të Liqenit të Farkës dhe aty kam hapur bagazhin, por trupi i tij po lëvizte. Kam marrë sërish çekiçin dhe e kam goditur fort në ballë. Pastaj e kam nxjerrë trupin nga bagazhi i automjetit dhe e kam hedhur në Liqenin e Farkës. Kam hipur në makinë dhe kam ndërruar rrobat duke veshur disa të tjera të pastra. Rrobat, me të cilat kisha kryer vrasjen, i kam hedhur në një kosh mbeturinash që ishte aty pranë Liqenit. Më pas, jam nisur me automjetin e vëllait drejt “Rrugës së Elbasanit”. Aty kam qëndruar për disa kohë në një fast-food ku kam konsumuar tri sufllaqe. Pas kësaj, jam nisur pa folur me njeri drejt Kukësit.
Gjatë rrugës jam telefonuar nga motra që më pyeste se ku isha. I thashë që nuk dua të flas dhe se nuk vij në shtëpi se isha larg. Të nesërmen kam vendosur që të kthehem dhe kam komunikuar me të shtëpisë, të cilëve u kam thënë se ndodhesha në zonën e Kamzës dhe se po kthehesha. Aty më ka ndaluar Policia dhe jam arrestuar. Me babain kam pasur shumë konflikte, sidomos pasi më detyroi të fejohem pa pëlqimin tim. Kam dashur gjithmonë që të shkoj në Gjermani te vëllai dhe të fejohem andej.
Fejesa pa dëshirë ka qenë burimi i konfliktit. Im atë më fyente dhe më shante shpesh. Ai nuk sillej aspak mirë me mua. Një konflikt tjetër me tim atë ka qenë për disa hardhi rrushi, të cilat ai i preu edhe pse unë i kisha kërkuar që të mos i priste. Im atë ka qenë i martuar tri herë më parë dhe ishte divorcuar edhe nga nëna, edhe pse jetonim bashkë…”- ka rrëfyer 28-vjeçari para Policisë.
Komente
Lajme të tjera
-
VIDEO e ekzekutimit të Klaudio Prendit, qëllohet disa herë me silenciator sapo hipën në 'G Class'! Shoku polic ndoqi nga pas mjetin e autorëve, por i humbi
22 Nëntor, 09:34
-
Kreshnik Spahiu: Përse më sheh shtrembër?
21 Nëntor, 16:39
-
EKSKLUZIVE/ Vrasja e 14-vjeçarit, dëshmitarja flet për Report Tv: E nisa me makinë për në spital! Ambulanca u vonua, ia dhashë djalin në rrugë, ishte ende gjallë
18 Nëntor, 18:44 -
Kosovë/ Kush janë 2 kushërinjtë e vrarë në Klinë mbrëmjen e djeshme! Autori, djali i politikanit të njohur të LDK, shkak dyshohen konfliktet
14 Nëntor, 11:09 -
Tiranë/ Ekzekutohet me plumb në kokë biznesmeni i ndërtimit, vdes te Trauma! Eduart Reçi, ish-drejtor në SHISH u vra afër pallatit të tij! Dyshohet se u qëllua nga lartësia, kamera s'kapi autorin
14 Nëntor, 08:02
-
Belgjika e kishte dënuar me burg përjetë, kapet në Spanjë 43-vjeçari shqiptar! Ndihmoi organizatën kriminale të vriste një person, po zbriste në aeroportin e Valencias (VIDEO)
28 Tetor, 15:49 -
Tronditet Mali i Zi/ Vëlla e motër gjenden të vrarë, autori i armatosur ende në arrati! Policia thirrje banorëve të mbyllen në shtëpi
26 Tetor, 09:32 -
Bosnje Hercegovinë/ 15 vjeçari vret me thikë oficerin e policisë dhe plagos një tjetër në Komisariat
25 Tetor, 10:34 -
Dyshohet se vrau 84-vjeçaren greke për t'i marrë paratë, arrestohet shqiptarja në Greqi
22 Tetor, 17:50 -
E rëndë në Shkodër/ 15-vjeçari vritet me thikë, autori bashkëmoshatar e qëlloi disa herë dhe u largua, ndalohet pas disa orësh! I mituri u gjet nga një kalimtar, ndërroi jetë në spital (EMRI)
14 Tetor, 20:12 -
Greqi/ Vranë kushëririn pasi i abuzonte seksualisht, zbardhet dëshmia e dy vëllezërve shqiptarë: Na shkatërroi jetën, ishim 4 dhe 6 vjeç kur nisën ngacmimet
10 Tetor, 13:04 -
PISTAT/ Vrasja e shqiptarit Beni Arshiaj në Itali, nga kodi i Kanunit, tek misteri i kameras së manipuluar! Kishte dhe emër të dytë
8 Tetor, 22:56
Keta nga veriu jane shume qejfli, nuk duhet as me marr, e as me dhene, si per djemte ashtu dhe per vajzat, turp, edhe djali nuk duhej te bente kete krim shume gabim ka vepruar, kjo nuk falet, nuk mund te ngresh doren kunder prinderve te tu edhe pse eshte fajtor. Duhet te mendoje edhe pasojat.
PërgjigjuFejzua pasta dashur vrime, dhe vrima i hengri koken.
PërgjigjuPo pse tre sufllaqe??!!
Përgjigjuhahahhaha 1 babai 1nusja 1 per vete