POP 5

Lajmet më të lexuara të 5 minutave të fundit

Politikë

Edhe 25 mln lekë Papës, Qendër
mediatike te Pallati i Kongreseve

Ardhja e Papa Françeskut më 21 Shtator do ta shndërrojë Pallatin e Kongreseve në qendrën e informimit të më shumë se 1000 gazetarëve që pritet të jenë të pranishëm për transmetimin e eventeve që do të mbahen gjatë vizitës së Papës në vendin tonë. Me vendim të Këshillit të Ministrave është lëvruar një fond prej 25 milionë lekësh drejt Ministrisë së Kulturës për të gjitha ndryshimet që po pëson Tirana, si dhe një fond prej rreth 16 milionësh, ku 10 do të shërbejnë për krijimin e Qendrës Mediatike në Pallatin e Kongreseve. VIDEO
Vizita e Papës, vendosen flamuj të Vatikanit në hyrje të Kryeqytetit
Punimet tek 'Nënë Tereza' drejt fundit, nesër fillon gjelberimi i tij
Edhe 25 mln lekë Papës, Qendër<br />mediatike te Pallati i Kongreseve
TIRANE - Me vendim të Këshillit të Ministrave janë shtuar rreth 25 milionë lekë drejt Ministrisë së Kulturës për të gjitha ndryshimet që po pëson kryeqyteti për pritjen e Papa Françeskut, por vizita e atit të shenjtë duket se do ta shndërrojë Pallatin e Kongreseve të Tiranës në një qendër mediatike. Një vendim i marrë nga Këshilli Ministrave, që i ka atashuar Ministrisë Së Kulturës një fond shtesë prej rreth 16 milionë lekë, 6 milionë do shërbejnë për rikonstruksionin e Pallatit të Kongreseve dhe 10 milionë për krijimin e qendrës në fjalë.

Në ndërtesë do të priten 1000 gazetarë nga të gjitha vendet e botës si dhe 70 gazetarët e atashuar të Vatikanit, të cilët do të transmetojnë në rrjetet e tyre vizitën e Atit të Shenjtë në vendin tonë dhe do ta ndjekin atë nga afër.

Shtesa në fondin e Ministrisë së Kulturës do të përballohet nga fondi i kontingjencës, i miratuar në buxhetin e vitit 2014.

Në mungesë të Kryeministrit Edi Rama, i cili ndodhet për vizitë zyrtare në Kinë, vendimet e Këshillit të Ministrave janë kaluar nga zv Kryeministri Niko Peleshi.

Por si ndahet konkretisht fondi i dhene per viziten e Papa Franceskut:
8 748 128 (tetë milionë e shtatëqind e dyzet e tetë mijë e njëqind e njëzet e tetë) lekë, për mbulimin e shpenzimeve të shtesës së punimeve në zbatim të projektit “Për ndërhyrje rehabilituese në sheshin “Nënë Tereza””; 

10 578 262 (dhjetë milionë e pesëqind e shtatëdhjetë e tetë mijë e dyqind e gjashtëdhjetë e dy) lekë, për mbulimin e shpenzimeve për shtesë fondi në zbatim të projektit “Për realizimin e dekorit të qytetit të Tiranës në kuadër të vizitës së Papa Françeskut në Shqipëri” si dhe aspektet organizative e protokollare të ceremonialit të vizitës së Papa Franceskut;  
 
1 673 610 (një milion e gjashtëqind e shtatëdhjetë e tre mijë e gjashtëqind e dhjetë) lekë, për mbulimin e shpenzimeve “Për realizimin e altarit të meshës që do të mbajë Papa Françesku”; 

 8 400 000 lekë (tetë milionë e katërqind mijë) lekë, për mbulimin e shpenzimeve që do të kryhen për realizimin ekspozitës në Muzeun Historik Kombëtar, në kuadër të ardhjes në Shqipëri të Papa Françeskut.
 
Ky fond të përballohet nga fondi i kontingjencës, i miratuar në buxhetin e vitit 2014.

Qeveria, rreth 17 milione fond Ministrise se Kultures per rikonstruksionin e Pallatit te Kongreseve
Gjithashtu qeveria vendosi t’i shtojë Ministrisë së Kulturës një fond prej rreth 17 milionë lekësh për mbulimin e shpenzimeve për shtesë punimesh në rikonstruksionin e Pallatit të Kongreseve dhe për realizmin e qendrës mediatike në këtë godinë.

Vendimi i plote i Keshillit te Ministrave
 
RISHPËRNDARJE FONDESH NË BUXHETIN E VITIT 2014, NDËRMJET MINISTRISË SË KULTURËS DHE DREJTORISË SË SHËRBIMEVE QEVERITARE, PËR MBULIMIN E SHPENZIMEVE PËR SHTESË PUNIMESH NË ZBATIM TË PROJEKTEVE “PËR RIKONSTRUKSIONIN E PALLATIT TË KONGRESEVE” DHE “PËR REALIZIMIN E QENDRËS MEDIATIKE NË PALLATIN E KONGRESEVE”
 
Në mbështetje të nenit 100 të Kushtetutës, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 13, të ligjit 185/2013, “Për buxhetin e vitit 2014”, me propozimin e ministrit të Kulturës, Këshilli i Ministrave
                                                                             VENDOSI
1. Në buxhetin e miratuar për vitin 2014 të bëhet rishpërndarja e fondeve ndërmjet Ministrisë së Kulturës dhe Drejtorisë së Shërbimeve Qeveritare, si më poshtë vijon:
 
a) Ministrisë së Kulturës t’i shtohen fondi prej 6 303 004 (gjashtë milionë e treqind e tre mijë e katër) lekësh, për mbulimin e shpenzimeve për shtesë punimesh në zbatim të projektit “Për rikonstruksionin e Pallatit të Kongreseve”, dhe fondi prej 10 439 196 (dhjetë milionë e katërqind e tridhjetë e nëntë mijë e njëqind e nëntëdhjetë e gjashtë) lekësh, për mbulimin e shpenzimeve për projektin “Për realizimin e Qendrës Mediatike në Pallatin e Kongreseve”. 
b) Drejtorisë së Shërbimeve Qeveritare t’i pakësohet fondi prej 16 742 200 (gjashtëmbëdhjetë milionë e shtatëqind e dyzet e dy mijë e dyqind) lekësh, për rishpërndarjen e tij në buxhetin e Ministrisë së Kulturës.
 
2. Ngarkohen Ministria e Financave, Ministria e Kulturës dhe Drejtoria e Shërbimeve Qeveritare për zbatimin e këtij vendimi.
 
Ky vendim hyn në fuqi menjëherë dhe botohet në “Fletoren zyrtare”.
 
Ish-reparti ushtarak jo vetem per romet, kthehet ne qender kombetare  te emergjencave
Këshilli i Ministrave ka vendosur gjithashtu ndryshimin e funksionit të objekteve tek ish-regjimenti i Kimisë në Tiranë, të cilat i kaloi para një viti nga Ministria e Mbrojtjes te Ministria e Mirëqenies Sociale dhe Rinisë për strehimin e familjeve rome. Tashmë këto ambiente veç strehimit të romëve do të përdoren në çdo rast emergjence, duke ngritur Qendrën Kombëtare Tranzitore të Emergjencave.

Redaksia Online
(Shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Formula 1/ Një javë më parë u shpall kampion bote, Max Verstappen fiton 'pole' në Katar! Pas tij Russell dhe Norris (VIDEO)

Formula 1/ Një javë më parë u shpall kampion bote, Max Verstappen fiton 'pole' në Katar! Pas tij Russell dhe Norris (VIDEO)

30 Nëntor, 22:22