Edhe prania evropiane në Kushtetutë

Në mesin e kushteve për përmbylljen e pavarësisë është edhe përfshirja e misionit të BE-së në ndryshimet kushtetuese.
Koha Ditore, nëpërmes burimeve të saja informon se shtetet mbikëqyrëse të pavarësisë së Kosovës, duan të sigurohen për praninë e misionit evropian për sundimin e ligjit në Kosovë, EULEX.
“Kushtetuta e Kosovës deri tash i është referuar Planit të Ahtisarit. Ky plan ka përshkruar veprimet dhe mënyrën e marrjes së vendimeve nga misioni evropian. Në bazë të këtij plani institucionet e Kosovës kanë bërë ftesën për EULEX-in. Derisa nuk do të ketë më Pako të Ahtisarit, duhet të ketë një kategori kushtetuese që e shpjegon funksionimin e EULEX-it” ka thënë burimi i Koha Ditore brenda Bashkimit Evropian.
/rg/shqiptarja.com/