POP 5

Lajmet më të lexuara të 5 minutave të fundit

Kronikë

SPAK dhe Dibra 'ping-pong' me dosjen 184! Hetimi për korrupsionin zgjedhor në Dibër mbetet 'jetim'

Prokurorët e Dibrës refuzojnë të hetojnë dosjen 184 e cila lidhet me korrupsionin zgjedhorë gjatë lokaleve 2017. Ndërsa pas vendimit të tyre për ta rikthyer në SPAK, prokuroria e posaçme e ka ridërguar në Dibër duke urdhëruar prokurorët atje ta hetojnë këtë proces pasi është kompetencë e tyre.

TIRANË -Prokuroria e Dibrës dhe Prokuroria e Posaçme SPAK kanë hyrë në një ping-pong letërkëmbimesh mes tyre për dosjen "184", e cila lidhet me korrupsionin zgjedhor në Dibër gjatë zgjedhjeve lokaleve 2016.

Më 22 Janar 2020, edhe pse mbajtën për 6 muaj dosjen "184", prokurorët në Dibër, pa bërë asnjë veprim, e kalojnë atë në SPAK, aty ku dikur ishte Prokuroria e Krimeve të Rënda.

Tek Krimet kjo dosje asokohe u hetua nga prokurori Klodian Braho i cili shpalli moskompetencë duke e kaluar sërish në Dibër.

Pas përcjelljes së vendimit për moskompetencë nga Dirba, një ditë më parë Prokuroria e Posaçme njofton se ka vendosur ta ridërgojë këtë dosje në Dibër aty ku prokurorët e këtij rrethi tani janë të detyruar ta hetojnë.

Report Tv është interesuar pranë SPAK se cili do të jetë fati i kësaj dosje, dhe përgjigja e marrë është se "si prokurori eprore vendimet e SPAK janë të detyrueshme dhe Dibra do duhet ta hetojë".

Hetimet për korrupsionin zgjedhorë nisën nga Klodian Braho tek krimet pas publikimit të audi0-përgjiemve ku zyrtarë të lartë të Partisë Socialiste flisnin mes tyre për votimet, zgjedhësit dhe ecurinë e votave.

Ky hetim solli dhe akuza politike ndërsa Partia Demokratike akuzoi asokohe Arta Markun dhe Donika Prelën, ish kryeprokuroren dhe drejtuesen e krimeve të Rënda, se po pengonin hetimet.

Në këto dosje Arta Marku gjatë intervista mediatike deklaroi se ka një sërë materialesh mes tyre dhe CDme audio-përgjigme të cilat ishin zbardhur dhe do të ishin pjesë e hetimit.

Report Tv prej 10 Janar 2020 është interesuar pranë prokurorisë Dibër me anë të një kërkesë për informim se çfarë po ndodhte me këtë hetim, por duke shkelur ligjin për të drejtën e informimit kjo prokurori nuk dha një përgjigje.

Emaili per kthim pergjigje, drejtuar Prokurorise se Dibres, 10 janar dhe e-maili me 13 janar ku thuhet se pergjigja do jepet brenda 10 diteve (por pergjigjja nuk ka ardhur)

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

PAMJET nga përmbytjet në Durrës, banorët angazhohen për tërheqjen e ujit nga banesat

PAMJET nga përmbytjet në Durrës, banorët angazhohen për tërheqjen e ujit nga banesat

30 Janar, 09:26