Edi Rama: Nuk kam takuar asnjë 
ministër teknik, punoj me zv/ministra

Në një intervistë për gazetarin Lutfi Dervishi në emisioni Përballë, në RTSH, kryeministri Edi Rama thotë se preferon që Shqipëria të ketë një sistem bipolar politik.

Gjatë intevistës, Rama ka folur për marrëveshjen me Bashën, për fushatën e pazakontë elektorale, për preferencën e tij për sistemin mazhoritar dhe shprehet kritik për valën e shkarkimeve të ministrave teknikë.

“Nuk kam ndërmend të takoj asnjë prej ministrave (teknikë)”, thotë Rama.

“Ata janë rojtarë, ndërsa programin dhe politikën e qeverisë e zbatojnë zëvendësministrat”, vijon ai.

Rama pret që në fund të vitit vettingu të ketë dhënë rezultate e para- dorëheqje të gjykatësve dhe prokurorëve të korruptuar.

“Nuk di çfarë mund të bënin më tepër shqiptarët, PS dhe aleatët për Ilir Metën”, thotë kryeministri Rama dhe nënvizon se LSI po sillet në fushatë në mënyrë të pajustifikueshme. 

“Është koha për të goditur kancerin në trupin e administratës shtetërore”, thotë Rama.

Redaksia Online
l.q/Shqiptarja.com