POP 5

Lajmet më të lexuara të 5 minutave të fundit

Kultura

Edicioni i 6-të ‘Za fest’ në Shkodër, ‘pushton’ Kalanë e Rozafës! Të pranishëm edhe spektatorë nga jashtë vendit

Në kalanë Rozafa në Shkodër, spektatorë të ardhur jo vetëm nga Shqipëria, por edhe nga jashtë, kanë shijuar spektaklin muzikor në ‘za fest’. Muzika e zgjedhur e ndërthur me efektet e dekorit dhe madhështinë e Kalasë së Shkodrës, i dhanë aktivitetit vlera të veçanta artistike.    

“Za Fest” ka “pushtuar” Kalanë Rozafa në edicionin e 6-të të tij, me praninë e një spektatori të shumtë në numër që kishin ardhur enkas për të shijuar një spektakël të mirëfilltë artistik, jo vetëm nga Shkodra, por edhe nga jashtë vendit. Elementët e veçantë të dekorit skenografik, efektet e dritave, cilësia e pastër e tingullit të zërit dhe një publik, i gjithi në festë, ishin detajet kryesore të kësaj nate.

Ndonëse është hera e tretë që artistja e njohur Elina Duni këndon në “Za Fest”, kjo e kësaj nate është e para në Shkodër edhe pse sikurse tregon ajo këngët shkodrane i këndon më së shumti.

“Jam shumë e lumtur që po luaj në kalanë e qytetit të Shkodrës. Është hera e tretë që un luaj në “Za Fest” kam qenë një nga muzikantët që kam luajtur më shpesh. Është  hera e parë që luaj në Shkodër, kam shumë emocione dhe mezi po pres në fakt”, tha këngëtarja, Elina Duni.

Magjia e “Za Fest” vijoi me artistë të tjerë ku mes tyre edhe Vlashent Sata, drejtori artistik i “Za Fest” ndërsa kalaja “Rozafa” kumboi me muzikë deri në orët e vona të darkës. Za fest do të përmbyllet me interpretimin e këngëtarëve, Cristiana Verardo, Las Migas, Jericho, Bijat. Ky event vjen si një ndërthurje e folklorit shqiptar me elementë të muzikës moderne, me legjendat, poezinë dhe kinemanë.  

Momente nga zhvillimi i “Za Fest” ka ndarë edhe ministrja e Kulturës Elva Margariti përmes postimeve në rrjetet sociale.

S.C/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Clapper alternativa e TikTok, po aq e rrezikshme? Ministrja Muzhaqi: Kemi ndërmarrë nisma në shkolla që fëmijët të kalojnë kohë produktive

Clapper alternativa e TikTok, po aq e rrezikshme? Ministrja Muzhaqi: Kemi ndërmarrë nisma në shkolla që fëmijët të kalojnë kohë produktive

26 Dhjetor, 13:27