Edita Tahiri: Vuçiç ta lexojë
mirë marrëveshjen e Brukselit
Zëvendëskryeministrja, Edita Tahiri, ka përsëritur qëndrimin e saj se nuk do të ketë zgjedhje të Serbisë në Kosovë, të organizuara nga Serbia. Ajo e porosit zëvendëskryeministrin e parë në Qeverinë e Serbisë, Aleksandar Vuçiç, ta lexojë mirë marrëveshjen e 19 prillit të nënshkruar në Bruksel.
PRISHTINE- Zëvendëskryeministrja, Edita Tahiri, ka përsëritur qëndrimin e saj se nuk do të ketë zgjedhje të Serbisë në Kosovë, të organizuara nga Serbia. Ajo e porosit zëvendëskryeministrin e parë në Qeverinë e Serbisë, Aleksandar Vuçiç, ta lexojë mirë marrëveshjen e 19 prillit të nënshkruar në Bruksel.
“Një shtet nuk mund të organizojë zgjedhje në shtetin tjetër, aq më tepër që marrëveshja e Brukselit i ka dhanë fund çfarëdo ndërhyrjeje të Serbisë në punët e brendshme të Kosovës”, thotë Tahiri.
Ajo ka porositur Vuçiçin ta lexojë mirë marrëveshjen e Brukselit “që vetë e ka nënshkruar”.
Me praktikat ndërkombëtare ata që kanë dyshtetësinë kanë mundësi të japin kontribut në këto çështje.
“Mund të realizohet përmes një metodologjie të grumbullimit të votave dhe që grumbullimi të bëhet me ndihmën e OSBE-së. Dallimi është që Serbia nuk organizon zgjedhje, por procesi i votimit nëpërmjet grumbullimit të votave është metodë që bëhet për shkak të aty-këtu qytetarëve serb që mund të kenë dyshtetësinë”, shprehet Tahiri.
Çështjen e mbajtjes së zgjedhjeve parlamentare të Serbisë, e pati komentuar edhe ambasadorja amerikane në Kosovë, Tracey Jacobson, duke thënë se për këtë janë duke u përgatitur modalitetet dhe format, të cilat do të lejonin një gjë të tillë. Dhe, nëse diçka e tillë ndodh, sipas saj kjo do të jetë një shenjë e mirë për demokracinë e Kosovës.
Për analistin Ardian Arifaj, nuk mund t’ju mohohet atyre që kanë nënshtetësi serbe të drejtën për me votu, por se duhet të shikohen mekanizmat se si do t’i mundësohet kjo.
“Çdo mënyrë tjetër ka me qenë në kundërshtim edhe me frymën e normalizimit të marrëdhënieve”, thotë Arifaj, duke shtuar se kjo do të jetë “edhe në kundërshtim me frymën e dialogut, edhe në kundërshtim me marrëveshjet që janë arritur në Bruksel, edhe në kundërshtim me ligjet e Kosovës, edhe në kundërshtim me vendimet e Këshillit të Sigurimit të OKB-së”.
Në zgjedhjet presidenciale dhe parlamentare të vitit 2012 në Serbi, OSBE-ja ka ndihmuar që të lehtësojë votimin e qytetarëve më të drejtë vote, bazuar në një marrëveshje mirëkuptimi ku ishin të përfshirë zyrtarë nga Prishtina dhe Beogradi.
Sipas zyrtarëve Komisionit Zgjedhorë në Serbi, me përkrahje të OSBE-së më 16 mars në Kosovë do të hapen 90 vendvotime. Roli i OSBE-së, sipas tyre, do të jetë transportimi i materialit zgjedhor nga Rashka e Vranja deri te vendvotimet, si dhe sigurimi i votuesve në vendet zgjedhore dhe transportimi i materialit zgjedhor pas votimeve.
Marrë nga "RTK"
Redaksia Online
(e.s/shqiptarja.com)
Sondazhi i ditës:
Skandali tek Onkologjiku, e kujt është përgjëgjesia?
-
Mjekëve
40.1%
-
Ministrisë
57%
-
Nuk e di
2.9%
Vota total: 2535
Votat totale janë unike
Lajme të tjera
-
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59
-
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51
-
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45
-
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
-
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik
13 Prill, 19:27
-
Prezenca e OSBE-së organizon vizitë në Suedi për gazetarët shqiptarë, për të përmirësuar raportimin për çështjet e sigurisë
13 Prill, 14:03
-
Ambasadorët e QUINT-it në OSBE vizitë në Shqipëri: Përmbushni rekomandimet e ODIHR për reformën zgjedhore
19 Mars, 17:52
-
Gjiknuri dhe Alibeaj takohen me përfaqësuesit e ODIHR-it, dakordësim për mënyrën e hartimit të drafteve ligjore për ndryshime në Kodin Zgjedhor
4 Mars, 17:30
-
OSBE trajnon qentë…
2 Mars, 18:06
-
Celibashi takon kryetaren e misionit të OSBE-së: Zhvilluan një bisedë të thelluar mbi Reformën Zgjedhore në Shqipëri
16 Shkurt, 15:34
-
Sot Dita Ndërkombëtare Përkujtimore e Holokaustit, ish-ambasadori i OSBE: Si i shpëtuan shqiptarët hebrenjtë nga nazistët
27 Janar, 08:59
-
Një ditë para mbledhjes së komisionit për 'Zgjedhoren', OSBE apel deputetëve: Kontribuoni për një proces parlamentar funksional
18 Janar, 16:50