Në zgjedhjet e 2020-ës, Biden grumbulloi mbi 7 milionë vota më shumë se sa Trump në rang kombëtar, por vetëm 44 mijë prej tyre në 4 shtete të federatës amerikane ishin vendimtare për vajtjen e tij në Shtëpinë e Bardhë. Në qoftë se Trump do të kishte marrë 44 mijë vota më shumë në Wisconsin, Arizona, Georgia dhe Nevada (të shpërndara proporcionalisht), fitorja do të kishte qenë e tij!
Sipas kushtetutës amerikane, mandatin presidencial nuk e fiton kandidati me më shumë vota në rang kombëtar, por ai që ka më shumë elektorë të tij në Kolegjin Elektoral.
Kolegji Elektoral përcaktohet nga zgjedhjet presidenciale çdo 4 vjet në SHBA, dhe përbëhet nga 538 elektorë të 50 shteteve të federatës amerikane (numri i elektorëve për secilin shtet varet nga popullsia e çdo shteti). Në shtetet ku fiton një kandidat demokrat, caktohen elektorë të përzgjedhur prej tij. Ndërsa në ato ku fiton një kandidat republikan, caktohen elektorë të përzgjedhur prej tij. Për t’u shpallur fitues, njëri nga kandidatët në garë duhet të ketë të paktën 270 elektorë që votojnë për të.
Në dy zgjedhjet ku Trump ka qenë në garë (2016 dhe 2020), 7 shtete kanë regjistruar garat më të ngushta, ku fitorja është lëkundur mes Trump dhe rivalëve demokratë: Pennsylvania, Michigan, Wisconsin, Nevada, Arizona, Georgia, North Carolina (shihni tabelën më poshtë).
Sipas portalit RealClearPolitics, diferenca mes Kamala dhe Trump nuk e kalon aktualisht vlerën 1% në asnjërën nga 7 fushëbetejat e zgjedhjeve të 5 nëntorit (ky portal llogarit çdo ditë mesataret e sondazheve të ndëryshme që zhvillohen në shtete të ndryshme të federatës amerikane). Kështu, Trump ka një epërsi milimetrike statistikore në 4 nga 7 shtetet dhe Kamala në 3 prej tyre. Por diferencat në të shtatat janë fare brenda marzhit të gabimit statistikor të sondazheve (që është mesatarisht plus/minus 3%).
Në javët që kanë mbetur, të dyja kampet pritet të shpenzojnë qindra milionë dollarë për reklama televizive dhe në rrjetet sociale, si dhe për patronazhistë të tyre që do të trokasin derë më derë, në mënyrë që të fitojnë garën e centimetrave të fundit në secilin prej 7 fushëbetejave: Pennsylvania, Michigan, Wisconsin, Nevada, Arizona, Georgia, North Carolina.
Shënim 1: Sondazhet këtë vit priten të jenë më të sakta, sepse kompanitë e sondazheve po përdorin algoritme për të ekstrapoluar me afërsi ata votues të Trumpit që janë të prirur mos të marrin pjesë në sondazhe. Algoritmet i bazojnë në deviacionet e sondazheve që janë evidentuar në zgjedhjet e 2016-ës dhe 2020-ës.
Shënim 2: Washington, DC, edhe pse nuk e ka statusin e shtetit, dërgon 3 elektorë në Kolegjin Elektoral. Vetëm shtetet Maine dhe Nebraska dërgojnë elektorë sipas një parimi të përafërt proporcional. Kudo tjetër, përdoret parimi mazhoritar (kush fiton qoftë edhe me 0.01% në një shtet, siguron gjithë elektorët e atij shteti).
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47
