Në fillim të vitit 1932, kur Franklin D. Roosevelt hyri për herë të parë në Shtëpinë e Bardhë si president i SHBA-së, tabloja e vendit ishte katastrofike. Mbi 25% e amerikanëve që kërkonin punë nuk gjenin dot një vend pune. Dhjetëra banka e mijëra fabrika kishin falimentuar. Mijëra fermave u kishin mbetur produktet pa shitur.
Në arenën ndërkombëtare SHBA-ja ishte mpakur, pas lavdisë së rolit vendimtar që kishte luajtur në Luftën e Parë Botërore dhe në Konferencën e Paqes së Parisit.
Pas 13 vjetëve, kur Franklin D. Roosevelt vdiq në Shtëpinë e Bardhë, SHBA-ja ishte kthyer në një superfuqi globale. Në tregun e brendshëm kishte vende pune që mezi plotësoheshin nga amerikanët e mbingopur me punë. Fabrikat punonin me kapacitet të plotë 24 orë në ditë. Bankat lulëzonin duke dhënë kredi të reja për biznese të reja. Në politikën e jashtme, SHBA bënte ligjin duke krijuar strukturat e reja ndërkombëtare të pas-luftës, si OKB-ja, FMN-ja, dhe Banka Botërore.
Një ndryshim stratosferik i trajektores së SHBA brenda 13 viteve!
Në fillim të vitit 1981, kur Ronald Reagan hyri për herë të parë në Shtëpinë e Bardhë si president i SHBA-së, tabloja e vendit ishte depresuese. Stagflacioni (një ndërthurje e stagnacionit ekonomik me inflacionin e lartë) kishte mbërthyer ekonominë amerikane për gryke. Largimi me bisht ndër shalë nga Saigoni i ushtrisë amerikane (pas 60 mijë ushtarëve të vrarë në Vietnam) kishte krijuar psikozën e një superfuqie në degradim.
Nga ana tjetër, pushtimi i Afganistanit nga Bashkimi Sovjetik, avancimi i forcave komuniste në Angola e Nikaragua, dhe revolucioni islamik në Iran po jepnin sinjalin se forca të tjera po mbizotëronin në botë.
8 vjet më vonë, kur Ronald Reagan doli nga Shtëpia e Bardhë, në tregun e brendshëm kishte vende pune që mezi plotësoheshin nga amerikanët e mbingopur me punë. Fabrikat punonin me kapacitet të plotë 24 orë në ditë. Bankat lulëzonin duke dhënë kredi të reja për biznese të reja. Në politikën e jashtme, SHBA bënte ligjin duke e çuar Bashkimin Sovjetik në shpërbërje dhe duke izoluar ishuj anti-amerikanë si Kuba, Nikaragua, Irani, etj.
Praktikisht, ai u largua nga Shtëpia e Bardhë duke e lënë SHBA-në superfuqinë e vetme në botë!
Donald Trump synoi një ndryshim të tillë trajektoreje në mandatin e tij të parë, por u largua me bisht ndër shalë nga Shtëpia e Bardhë. Të shohim nëse do ta realizojë synimin e tij në mandatin e rikthimit…
Komente
Lajme të tjera
-
JD Vance, profili i një prej nënpresidentëve më të rinj në moshë në historinë e SHBA-ve
20 Janar, 20:52 -
Ylli Pata: Legjendat e 'Non Gratës'; Nga Gjyqi në Paris, Kronosi, Nora e tani te Trumpi
20 Janar, 20:42
-
Vjosa Osmani uron presidentin amerikan Trump pas betimit: Kosova përjetësisht mirënjohëse, vendi juaj shpëtoi popullin tonë!
20 Janar, 20:14 -
Transferimi i pushtetit në SHBA: Një traditë e demokracisë dhe simbol i stabilitetit politik
20 Janar, 19:55
-
Reagimet për betimin e Trump/ Begaj: Krenohemi për aleancën me SHBA! Ambasadori shqiptar: Të forcojmë partneritetin
20 Janar, 19:30 -
Betimi i Trump, Laçi në 'Studio Live': Do bëjë betejë të madhe ndaj neo-majtizmit! Galdini: 'Non-grata e Berishës'? Reforma në drejtësi do jetë më e fuqishme
20 Janar, 19:22 -
Jakin Marena: Berisha nën hetim për ‘21 janarin’, testi për fuqinë e SPAK
20 Janar, 19:21
-
Donald J. Trump: Një rrugëtim i pazakontë drejt presidencës
20 Janar, 19:05 -
Trump dhe Kosova, çfarë pritet gjatë mandatit të dytë presidencial
20 Janar, 17:38 -
Edison Ypi: Sali Kulla si Ebu Qerimi
20 Janar, 17:12
-
‘Binom i pandarë me Ballën’, Basha i përgjigjet sulmeve të Berishës: Të përshëndes nga Uashingtoni doktor pazari
20 Janar, 16:09 -
Biden fal Faucin dhe Milleyn pak orë para se Trump të marrë detyrën
20 Janar, 15:16
