POP 5

Lajmet më të lexuara të 5 minutave të fundit

Opinion

Ylli Pata: Pesha ...

Pavarësisht se në emisionet televizive mbrëmjen e djeshme, nisën vajtimet për Ilir Metën, sondazhet tregojnë një gjë të qartë: Atë e donin pothuajse të gjithë në burg

Ylli Pata: Pesha ...

Një qese për Ilir Metën

Pavarësisht se në emisionet televizive mbrëmjen e djeshme, nisën vajtimet për Ilir Metën, sondazhet tregojnë një gjë të qartë: Atë e donin pothuajse të gjithë në burg.

Dhe jo më kot, pasi prej dekadash konsiderohet si sinonimi i politikanit të korruptuar.

Prej vitesh, sondazhet e nxirrnin Ilir Metën si politikanin më pak të dëshiruar.

Fill pas arrestimit të Ilir Metës, Top Channel dhe Report TV filluan një sondazh online në faqet e internetit, për të pyetur audiencën e tyre nëse ishin dakord me atë arrestim.

Deri tani, 84.6% e pjesmarrësve në anketimin e Top Channel janë dakord me arrestimin e Metës.

Ndërsa në anketimin e Report TV, janë 85.4% dakord. Mesatarja e të dy audiencave rezulton 85% dakord me arrestimin e Metës.

Nga ana tjetër, vetëm 11.1% e pjesëmarrësve në të dyja sondazheve nuk janë dakord me arrestimin e Metës (12% në Top Channel dhe 10.2% në Report TV).

Pavarësisht zhurmës mediatike, mbështetja reale për Ilir Metën, në fakt duket në fotot e mëposhtme.

E para, kur u arrestua dje, tek Drejtoria e Policisë së Tiranës i shkoi vetëm Tedi Blushi, që ishte gati të hidhej në rrotat e furgonit të policisë.

E dytë, në darkë, Ilir Metës i shkoi vetëm i biri, për t’i çuar ca rroba dhe ushqime.

E treta, një ditë pas arrestimit, askush nuk është revoltuar si analistët e banaqeve televizive për arrestimin e Ilir Metës, pasi atij i ka shkuar në paraburgim vetëm sekretari Organizativ i Partisë së Lirisë, Artemis Peca.

Foto e tij më një qese në dorë, i vetëm përballë kangjellave, është simboli i mbështetjes reale të Ilir Metës.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri

Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri

24 Dhjetor, 20:29