Edukimi financiar duhet të nisë që në bankat e shkollës fillore, dhe nuk duhet të ndalojë në asnjë moment pasi tregu financiar po ndryshon nga viti në vit. Në një takim të organizuar pranë Bankës së Shqipërisë me 60 gjimnazistë nga Tirana, Durrësi dhe Elbasani me fokus menaxhimin e financave, kursimin dhe mënyrën e shpenzimeve, Guvernatori Gent Sejko këshillon të rinjtë të informohen më shumë mbi digjitalizimin.
Sejko tha se vendi ka bërë progres në përdorimin e shërbimeve bankare pasi tashmë 70% kanë një llogari bankare.
“Falës punës edukative, por edhe si pasojë e ofertave që bëjnë bankat e nivelit të dytë dhe punës së tyre, përfshirja financiare, numri i popullatës me llogari bankare, me transaksione bankare është mbi 70% në krahasim me 30% dhe 60% që ishte 6 apo 7 vjet më parë.”
Ndërsa ministrja për rininë Bora Muzhaqi, tha se edukimin financiar po punohet ta shtrijnë në të gjithë vendin dhe jo vetëm në tre qarqe.
“Fokusi në fakt ka qenë një pilotim i një programi që ne duam të bëjmë në nivel kombëtar. Duke qenë se edukimi financiar është një komponent shumë i rëndësishëm, jo vetëm për periudhën që ju jeni në shkollë, por edhe për periudhën pasi të përfundoni studimet dhe kur të shkoni në jetë, ne menduam që mënyra më e mirë se si t’jua mësojmë këto aftësi, do të ishte sigurisht në shkollë.”
Për të rritur edukimin financiar Banka e Shqipërisë ka miratuar strategjinë 2024-2026, ku synohet që edukimi të nisë që në 9-vjeçare me orë mësimore për kursimin, të vijohet me një tekst të ri për gjimnazet mbi financat personale dhe me leksione në universitete për bankat, financat dhe ekonominë.
Lajme të tjera
-
Fatos Çoçoli: Sa fitojmë nga SEPA si qytetarë?
22 Nëntor, 15:19
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04 -
Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’
14 Nëntor, 18:48
-
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21
