Edy Reja: Duhet të shënonim edhe një gol! E ardhmja? Do mësoj shqipen

Edy Reja: Duhet të shënonim edhe një gol! E ardhmja? Do mësoj shqipen

Edy Reja

Kombëtarja shqiptare e futbollit humbi 1-3 në miqësoren e luksit kundër Italisë në "Air Albania". Pas ndeshjes për mediet foli trajneri i Shqipërisë, Edy Reja.

"Shumë mundësi për gol por sërish humbje - Ka vetëm një aspekt, në pjesën e parë kishim një problem me Bastonin. Në të dytën krujuam shumë, kishim mundësi dhe meritonim edhe një gol për 2-2 dhe do hapnim ndeshjen. Një 2-3 edhe mund të pranohej, por 1-3 nuk jam i kënaqur me atë që dhamë në fushë gjatë 45 minutave të dyta.

Lojtarët e rinj për t'u aktivizuar - Edhe ne kemi punuar me të rinjtë, kemi Asllanin, luajti sot edhe Ardjan Bajrami. Unë po shoh lojtarë edhe te U-17 dhe moshat e tjera. Kemi Bajramin që luan në Portugali edhe është lojtar i mirë. Te Italia futën Pafundin që është 16 vjeç dhe thonë se është Maradona i ri te Italia. Unë po shoh lojtarë të rinj për Shqipërinë te moshat.

Çfarë duhet të bëjë Broja, të rrijë te Chelsea apo të luajë në Serie A? Broja ka ekipin dhe familjen e tij që e ndihmojnë dhe mbështesin. Në Angli do jetë më ndryshe duke qenë në Premier League, ka një karakter që i përshtatet ktij kampionati. Sezonin e shkuar qëndroi në huazim dhe luajti 25 ndeshje, këtë sezon luan me një ekip të madh.

E ardhmja? Kemi folur shpesh për këtë çështje. Në çdo kohë nuk kam firmosur kontratë para fundit të sezonit. Flasim me Dukën dhe do jetë ai që vendos, nëse jam i vlefshëm do e tregojë ai.

Sa shqip kë mësuar Reja? Është e vështirë, unë kam provuar shumë. Në Shqipëri pothuajse të gjithë flasin italisht, duhet të sforcohem pak më shumë", tha Reja.


Lajmi kryesor:

VIDEO/ 22 mijë tifozë nuk mjaftojnë, Italia fiton me përmbysje në Tiranë me Shqipërinë në miqësoren e luksit! 4 gola vendosin ndeshjen


S.DH/Shqiptarja.com
  • Sondazhi i ditës:

    Bandat survejojnë Policinë, a është ky triumf i krimit ndaj shtetit?



×

Lajmi i fundit

Berisha: Rama dhe Qeveria nën hetim në SHBA, kush thotë ndryshe është mashtrues! Por ja si mashtron vetë, një thirrje për dëshmi e cilëson vendim gjykate

Berisha: Rama dhe Qeveria nën hetim në SHBA, kush thotë ndryshe është mashtrues! Por ja si mashtron vetë, një thirrje për dëshmi e cilëson vendim gjykate