POP 5

Lajmet më të lexuara të 5 minutave të fundit

Sport

Egnatia 'shkund' Partizanin, të kuqtë kanë pretendime për arbitrin! Tirana rikthehet frikshëm, këtë mesjavë java e 11 e Superligës

Egnatia ka lëkundur fort Partizanin në javën e 10 të Superligës duke e mposhtur 3-0 pavarësisht se kryesuesit kanë pretendime në lidhje me arbitrimin. Ndërkohë Tirana është rikthyer në vendin e dytë pasi fitoi thellë 4-1 kundër Kukësit. Sa i përket Superligës të mërkurën dhe të enjten do luhet java e 11.

Egnatia në javën e 10 të Superligës ka shkundur nga themelet Partizanin, pasi rrogozhinasit e Shpëtim Duros kanë mposhtur me rezultatin 3-0 të kuqtë. Kryeqytetasit në këtë sfidë vinin si favoritë, por u shtangën dy herë brenda pjesës së parë me Fernandon fillimisht i cili ktheu në gol në penallti të dyshimtë për pozicion jashtë loje dhe më pas Zejnullahi, i cili finalizoi një aksion ku pati mjaft dyshime për faull. Gjithsesi në pjesën e dytë Partiznai s’pati forcë të reagonte dhe Zejnullahi me ‘dopietën’ personale finalizoi shifrat në 3-0.

Për Egnatian e Duros kjo është fitorja e dytë rradhazi, ndërsa Partizani pavarësisht disfatës vijon në krye të kampionatit. Humbja me këto shifra tregon se ka shumë punë për t’u bërë, por ‘demat’ nuk duhet të qajnë shumë, pasi të enjten i pret Laçi për javën e 11 të Superligës.

Ndërkohë po të dielën, Tirana ndjekëse e Partizanit, u rikthye te fitoret duke mposhtur me shifrat e thella 4-1 Kukësin. Fillimisht realizoi Hasani për bardheblutë, ndërsa Basa riktheu baraspeshën e përkohshme në fundin e pjesës së parë. Në pjesën e dytë Behiratche, Patrick dhe në Limaj nderuan kampionët në fuqi. Me këtë fitore Tirana shkoi në kuotën e 18 pikëve, 1 më pak se Partizani kryesues.

Të enjten Tirana pret në kryeqytet Egnatian, ndërsa po për llogari të javës së 11 të Superligës të mërkurën luhen sfidat Bylis-Teuta dhe Erzeni-Kastrioti.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Protesta e opozitës, Erion Braçe: Të bllokosh Tiranën, njësoj si ato makinat e ekstremisteve që hyjnë në tregjet e krishtlindjes

Protesta e opozitës, Erion Braçe: Të bllokosh Tiranën, njësoj si ato makinat e ekstremisteve që hyjnë në tregjet e krishtlindjes

23 Dhjetor, 08:58