Ekonomi në inaugurimin e Hotel
“Privilege”: Standardet më të larta

TIRANE-Inaugurimi i Hotelit Privilege në zonën rezidenciale të Farkës ka mbledhur dje operatorët turistikë dhe Ministren e Ekonomisë e Turizmit Milva Ekonomi.

Hoteli ofron pajisje e teknologji akomodimi të standardeve më të fundit ndërkombëtare: suita e dhoma të cilësisë më të lartë, sallë mbledhjesh, restorant, pishinë të mbyllur, sauna e hamam. Standardet e larta të akomodimit u përshëndetën nga Ministrja Ekonomi, e cila tha se rritja e cilësisë së hoteleve është sfida e radhës së turizmit shqiptar.
 
“Unë besoj se gjithë operatorët dhe agjencitë që janë prezent e shikojnë që është hotel i standardeve dhe ajo që kuptuam që ajo që ministria kishte shpallur për të qënë pjesë e strukturave akomoduese në Shqipëri janë përdorur nga kjo strukturë akomoduese. Besoj ka për të ndihmuar në rritjen e numrit të turistëve në Shqipër” , tha ministrja Ekonomi.

Investitori Valdrin Pjetri tha se ambientet e hotelit, ashtu si dhe shërbimi, janë konceptuar dhe realizuar sipas standardeve më të fundit ndërkombëtare në sektorin e akomodimit.

“Këtu kemi 22 dhoma hotel të përbëra nga dhoma standard ekzekutiv dhe suitë , kemi një kat që është BudaSpa që është dedikuar vetëm për zonë relaksi me hamam, xhakuzi, sauna dhe të gjithë facilitetet për tu ndjerë mirë dhe për një fundjavë ndryshe. Gjithashtu kemi një restorant lart me pamje të pjesës nga kodrina të superstradës. Këto janë kushtet që ne ofrojmë në hotelin tonë me 4 yje “Privileg hotel SPA”. Çmimet janë shumë konkurruese në treg. Ne kemi studiuar tregun dhe kemi dalë me çmime shumë konkurruese”, tha Valdrin Pjetri.
 
Hoteli Privilege është investimi i fundit i Shoqërisë “Trigen Investment” i pozicionuar 4 kilometra larg nga qendra e Tiranës në zonën lindore të saj.

[gallery]21985[/gallery]
 
Redaksia Online
B.B/Shqiptarja.com