Kur duhen dhe pak ditë nga beteja e 25 prillit, kryesuesja e listës së kandidatëve socialistë në qarkun e Durrësit, Milva Ekonomi, ka vijuar takimet elektorale në Krujë ku ka kërkuar nga qytetarët që ti besojnë Partisë Socialiste edhe një mandat të tretë për përfundimin e projekteve madhore që kanë nisur.
Ekonomi tha se PS dhe Edi Rama e mbajnë fjalën teksa përmendi dy investime të rëndësishme, ndërtimin e Aeroportit të Kukësit dhe spitalin e Fierit të cilët u ndërtuan në kohë rekord. Sipas saj, vota më 25 prill duhet të jetë për numrin 12, për të ardhmen e familjeve krutane dhe të gjithë shqiptarëve.
“Ps nuk ka për tu tërhequr nga gjërat që ka bërë, as nga beteja për rimëkëmbjen e vendit dhe rindërtimin pas tërmetit as për të këputur zinxhirin e infektimeve nga COVID. Ndodhi një shembull siç ishte aeroporti i Kukësit, nuk ka gjë që e ndal vendosmerinë e PS. A e keni parë spitalin e Fierit ai ishte një spital që u ndërtua në kohë rekord. A e keni parë projektin për portin e Durrësit. Çdo gjë që Rama ka menduar se duhet tja sjellë Shqipërisë i takon shqiptarëve që duhet të përmirësojnë jetën e tyre të zakonshme përditë. Kjo është betejë që ska për tu ndalur dhe ska për tu tërhequr askush nga PS. Duhet të vazhdoni të besoni PS që jo vetëm jetën e shqiptarëve ka për ta ndryshuar por edhe më tej ka për ti çuar investimet në Krujë”, tha ajo.
![]()
Në këto takime, Ekonomi shoqërohej nga kandidati socialist për këtë qark, Rrahman Rraja, ish deputetja e zonës Eglantina Gjermeni dhe kryetari i bashksië së Krujës, Artur Bushi.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)