Ekskluzive/Alfred Ashiku, takimi me
Enverin në spitalin e Vlorës/pjesa e dytë

Në numrin e djeshëm u përqëndruam në rrëfimin ekskluziv të aktorit të njohur Mario Ashiku, i cili, duke qenë njëkohësisht edhe nipi i Alfred Ashikut, na zbuloi detaje nga jeta dhe vdekja tragjike e ish-farmacistit të njohur shkodran, që la një emër thuajse në kufinjtë e legjendës në qytetin e Vlorës, ku ai u detyrua të shërbente si i internuar në fund të jetës pas burgosjes që i bëri regjimi komunist.

Theksi i tij në këtë rrëfim, më shumë vihet në përshkrimin e vetive të veçanta fizike, por edhe atyre njerëzore e intelektuale të xhaxhait të tij, shoqëruar me dokumentin origjinal të akt-akuzës së montuar të Sigurimit të Shtetit, nga i cili lehtësisht mund të kuptohet se arsyeja pse Alfred Ashiku u burgos, ishte thjesht dhe vetëm xhelozia e regjimit ndaj mënyrës së jetesës që "legjenda shkodrane" kishte zgjedhur t'i rezervonte vetvetes dhe shoqëria me të huaj, që ai parapëlqente të frekuentonte, njësoj siç kishte bërë edhe më parë. Rrëfimi i z. Ashiku vijon edhe sot me detaje interesante, ku përveç provokimeve që i bënte Sigurimi, ai kupton se ky i fundit vigjilonte madje edhe mbi varret e njerëzve për të "zbuluar" armiq.

Po ashtu, numri i sotëm përplotësohet edhe me rrëfimet ekskluzive të zonjës Adelina Mazreku (mjeke e njohur, dekoruar me Urdhrin "Mjeshtre e Madhe" nga ish-Presidenti i Republikës, Alfred Moisiu), e cila ishte edhe kushërirë e farmacistit "simpatik", duke kujtuar detaje nga bisedat e përbashkëta që kishin të bënin me ish-të dashurat e "bukuroshit" shkodran, sic është edhe pohimi i fakteve që lidhen me të dashurën e Duçes, e cila s'kishte shpëtuar dot pa kaluar netët në shtrat me shqiptarin e shpallur "Mister" gjatë studimeve të tij në Romë. Më tej historia mbyllet me rrëfimet e ish-nxënësit të Alfred Ashikut, Dr. Bajram Çela. Ky i fundit sjell edhe detaje nga takimi direkt dhe "porosia" që kishte lënë ish-diktatori Enver Hoxha për farmacistin e njohur dhe përshkruan në detaje edhe momentet e vdekjes tragjike dhe përcjelljen që populli i Vlorës kishte rezervuar për Alfred Ashikun.

Intervistën e plotë e gjeni në gazetën Shqiptarja.com, 17 janar 2013

(ad.ti/shqiptarja.com)