Ekskluzive/ Bëri golin pas 23 sekondash në Europian, Bajrami për Report Tv: Me Kroacinë shpresoj të shënoj akoma më shpejt! Gjasula e Muçi: Ndeshje e vështirë, japim maksimumin (VIDEO)

Report Tv ndodhet në qendrën stërvitore të Kombëtares në Kamen të Gjermanisë. Ka tifozë shqiptarë të cilët presin jashtë për të marrë firmën apo për të bërë foto me futbollistët e tyre të zemrës.

Gazetari i Report Tv Ernest Koçi ishte në transmetim live kur Nedim Bajrami u afrua pranë tifozëve për të bërë foto dhënë autograf dhe sigurisht që nuk mund të mos jepte dhe një prononcim ekskluziv për Report Tv,  për ndeshjen Shqipëri – Kroaci që do të luhet në Hamburg.

“Jemi shumë të kënaqur që na mbështesin. Jam shumë i lumtur për golin (me Italinë)”  - tha ai.

Report Tv: Ndeshja e radhës me Kroacinë?

“Shpresoj që do jap akoma më shpejt golin” thotë Bajrami.

Nedim Bajrami është futur në historinë e Kampionateve Evropiane. Mesfushori i Kombëtares ka arritur të shënojë gol vetëm pas 23 sekondave lojë kundër Italisë. Ky është goli më i shpejtë i shënuar në 17 turnetë e Evropianit.

Lajmi ne perditesim....

Rendit zhvillimet sipas orarit:
Ora 17:01
Mori autograf nga Nedim Bajrami, tifozi për Report Tv: S’e laj më bluzën


Të ekzaltuar janë tifozët shqiptarë në Gjermani para ndeshjes me Kroacinë. Për Report Tv ata treguan emocionet e forta, ndërsa patën mundësi të marrin autografe nga futbollistët e kombëtares, të cilëve nuk u kursyen edhe batutat. "S'e laj më bluzën", tha ai.

Ora 12:15
Të mërkurën ndeshja me Kroacinë, Gjasula për Report Tv: Ndeshje e vështirë, do të japim maksimumin

Report Tv ndodhet pranë qendrës stërvitore të kombëtares në Kamen të Gjermanisë, ku futbollistët mblidhen për të kryer dhe stërvitjet e fundit.

Klaus Gjasula për Report Tv pranoi se ndeshjet pasuese do të jenë më të vështira por ata do të japin maksimumin.

‘Është situatë më e veçantë … Jemi këtu për Shqipërinë. Do të bëhet një ndeshje shumë e vështirë por …

Ka dhe një falenderim për tifozët

Faleminderit për mbështetjen…. Do të japim maksimumin

Ndeshja do të luhet të mërkurën në Hamburg në orën 15:00 në stadiumin “Volksparkstadion”, ku edhe kombëtarja shqiptare kërkon me këmbëngulje fitoren.

 

 

Ora 12:13
VIDEOLAJM/ Momenti emocionues, Bajrami e Muçi firmosin autografe për tifozët! Report Tv sjell atmosferën nga qendra stërvitore e kombëtares

Report Tv sjell atmosferën nga qendra stërvitore e kombëtares në Kamen të Gjermanisë. Tifozë të shumtë ndodhen jashtë qendrës stërvitore me shpresën për të takuar lojtarët e kombëtares.

Disave fati u buzëqeshi dhe patën takime me Nedim Bajramin, autorin e golit më të shpejtë në historinë e europianit. Bajrami u dhuroi përqafime e autografe, ndërsa Report Tv transmetoi ekskluzivisht këto pamje.  

Po ashtu, edhe momentin e takimit të Ernest Muçit dhe Klaus Gjasulës me tifozët dhe nënshkrimin e autografeve.

1718619060_nedimbajrami.jpg

Ora 12:01
Ekskluzive/ Fitore me Kroacinë? Muçi për Report Tv: Jemi gati, shpresoj të kem më shumë minuta në fushë

 

Ernest Muçi, lojtari i kombëtares në një prononcim ekskluziv për Report Tv tha se kombëtarja është gati për fitoren me Kroacinë. Muçi tha për gazetarin e Report Tv, Ernest Koçi se shpreson që të ketë më shumë minuta në fushë.  

Gazetari i Report Tv Ernest Koçi: Muçi, fitore me Kroacinë?

Muçi: Shpresojmë, gati jemi.

Gazetari i Report Tv Ernest Koçi: Më shumë minuta për ty besoj?

Muçi: Shpresoj edhe unë.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shqipo Hesapi: 18/06/2024 12:53

    Bëje golin që në nxemje e të mbledhësh mendjen.

    Përgjigju
  • Totti: 18/06/2024 07:33

    Bane pa nise loja

    Përgjigju
  • Sondazhi i ditës:

    Kuvendi kërkon që Greqia të heqë ligjin e luftës, si e vlerësoni?



×

Lajmi i fundit

Begaj uron Von der Leyen: Presim me padurim të vazhdojmë bashkëpunimin

Begaj uron Von der Leyen: Presim me padurim të vazhdojmë bashkëpunimin