POP 5

Lajmet më të lexuara të 5 minutave të fundit

Kronikë

Ekskluzive/ Fati shpëton kalimtarët në Tiranë, Report Tv siguron pamje të 2 aksidenteve

Jo vetëm në autostradë dhe rrugë urbane e interurbane por edhe në qendër të bllokut këto aksidente janë kthyer në shqetësim për banorët. Report Tv ka siguruar dy video ekskluzive ku fati ka shpëtuar tre kalimtarë në vijat e bardha dhe motorçikleta

Aksidentet rrugore janë kthyer në një fenomen shqetësues kur pasojat me jetë të humbura, persona të gjymtuar dhe mjete të dëmtuara arrijnë shifra të një bilanci lufte. Report Tv ka pasqyruar aksidente nga autostradat, rrugët interurbane ku shpejtësia, përdorimi i telefonit dhe alkooli janë shpesh herë burimi i tyre.

Por aksidentet me pasoja nuk mungojnë as në rrugicat e lagjeve apo kryqëzime, në qendra urbane dhe të popullura. Janë këto dy videot ekskluzive të siguruara nga Report Tv ku ditën dhe natën në një kryqëzim në mes të bllokut aksidentet janë kthyer në shqetësim për banorët aty.

Siç shihni në pamje, në kryqëzimin e rrugës Vaso Pasha me rrugën dytësore Nikolla Tupe aksidentet janë jo pak të rrezikshme. Ky aksident është shënuar ditët e fundit të gushtit teksa ora shënonte 21:22 minuta të mbrëmjes, ku vetëm fati ka shpëtuar tre kalimtarët që ishin mbi vijat e bardha dhe njëri prej tyre largohet me vrap.

Një automjet fuoristradë vjen nga aksi Vaso Pasha dhe pse aty është një kryqëzim, ai kalon me shpejtësi duke përplasur një tjetër mjet që vjen nga rruga Nikolla Tupe dhe i pret rrugën. Nga ekspertizat e Policisë Rrugore, ky aks është burim aksidentesh pasi ka fushëpamje të kufizuar pasi parkohet nga të dyja anët e rrugës dhe ska asnjë pasqyrë sinjalizuese.

Në të njëjtin kryqëzim pak orë pas këtij aksidenti ku fati shpëtoi tre kalimtarët, dhe me lëndime të lehta dy shoferët e mjeteve të aksidentuara, u shënua një tjetër aksident.

Këtë herë në aksident u përfshi një makinë dhe një motorr. Makina del nga rruga Nikolla Tupe, për t’u futur në kryqëzim me aksin Vaso Pasha por motori që vazhdon drejtimin e tij nuk e sheh dhe përplaset me kofanon e mjetit.

Fillimisht mjeti që vjen nga rruga Nikolla Tupe ndalon për t’i hapur rrugën një mjeti me ngjyrë të kuqe sicc shihni në pamje por sapo nis lëvizjen është motori ai që vjen dhe e godet në kryqëzim.

Nga statistikat e Policisë Rrugore Tiranë në këtë aks shënohen minimalisht 20-30 aksidente në muaj, dhe masivisht orët e mbrëmjeve kur zona e bllokut frekuentohet nga të rinjtë dhe mjetet luksoze që ecin me shpejtësi.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46