EKSKLUZIVE/Idajet Beqiri: Ja kush
e fsheh vdekjen e Mehmet Shehut

Zbardhjes së kësaj të vërtete, i ka ardhur koha". Kështu e mbyll intervistën e tij në lidhje me fenomenin më të diskutuar të shekullit për shqiptarët, "vrasjen" e Mehmet Shehut, juristi i njohur, avokat Idajet Beqiri. Përtej vlerësimeve maksimale për figurën e Shehut, ajo çka ngre peshë në fjalët e Av. Beqirit, është sidomos dilema, "vrasje" apo "vetëvrasje".

Për këtë ai thotë se i gjithë zhvillimi i ngjarjeve të datës 16 dhjetor 1981, flasin se i vetmi version që nuk mund të pranohet për atë që ndodhi në datën 17 dhjetor 1981, është ai i vetvrasjes. Për më tepër, ai shton një sërë arsyesh që të bëjnë të besosh se mund të ketë të drejtë, apo argumenton se: ngjarja mbahet mister, pasi disa autorë të këtij skenari famëkeq të 17 dhjetorit 1981 janë ende gjallë dhe kanë fuqi manipulative. Në një dimension më madhor, për z. Beqiri, Mehmetin e vrau sistemi.

Ai këmbëngul se nuk ka një rast të dytë në atë kohë, si ky që ndodhi me ish-kryeministrin e vendit, ku të mos lejohej bërja e atopsisë mjekoligjore, duke sjellë në vëmendje edhe faktet e eliminimeve të njerëzve me peshë të ish-regjimit, si ai i ish-Minstrit të Shëndetësisë, Llambi Ziçishti e deri tek zhdukja pa lënë gjurmë e disa dëshmitarëve okularë, të cilëve sot "nuk i dihet as nami, e as nishani". Ai shton se vrasja e Shehut, ishte një skenar i mirëorganizuar ogurzi.

Shkrimin e plotë e gjeni në gazetën Shqiptarja.com, 12 janar 2013

(ad.ti/shqiptarja.com)