Ekskluzive/ Drejt bllokimit, tre ditë nga afati asnjë aplikim, prokurorët braktisin KLP-në

TIRANE-Kur duhen edhe tre ditë nga skadimi i afatit prej 15 ditësh të vendosur nga Prokuroria e Përgjithshme për prokurorët që garojnë për Këshillin e Lartë të Prokurorisë, ende nuk ka aplikuar asnjë.

Në fazën e parë nuk garoj asnjë prokuror, ndërsa afati i dytë skadon më 27 tetor 2018 dhe deri tani, sipas burimeve të gazetarit të Report Tv, Arsen Rusta nuk ka asnjë kandidat.

Burime për Report Tv nga prokuroria pohojnë se “edhe për thirrjen e dytë askush nuk ka shfaqur interes. Kane mbetur edhe tre ditë për prokurorët që duan të bëhen pjesë e KLP”-së.

Këshilli i Lartë i Prokurorisë është një institucion mjaft i rëndësishëm nga ku do të dalë edhe emri i ri i Prokurorit të Përgjithshëm. Një pjesë e prokurorëve shprehen se ende nuk kanë kaluar vettingun, ndërsa pjesa tjetër që e kanë kaluar refuzojnë që të aplikojnë.

/b.ha./Shqiptarja.com
  • Sondazhi i ditës:

    Ngjarjet në Fier e Fushë Krujë, a jeni të shqetësuar nga situata e rendit dhe sigurisë publike?

Komento


×

Lajmi i fundit

John

Makina përplas për vdekje këmbësorin, shoqërohet drejtuesi