Ekskluzive-Mëkatet e Kadaresë
pre e revolucionit seksual /Letra

TIRANE- Në sinkron me të rinjtë komunistë të Elbasanit, mbi “Dimrin e vetmisë së madhe” ishin edhe pedagogët e Shkollës së Partisë “V.I.Lenin” në Tiranë. Thuajse në të njëjtën kohë, me një ditë diferencë mes tyre, të dy shkresat drejtuar prej tyre Komitetit Qendror, kërkonin heqjen nga qarkullimi të romanit “Dimri i vetmisë së madhe”. Letra nga Elbasani mban datën 9 maj 1973 dhe letra nga Komiteit i Partisë Tiranë mban datën 8 maj 1973. Letrën e parë e botuam në numrin paraardhës të Shqiptarja.com, ndërsa sot sjellim shkresën e dytë firmosur në fund nga kryetari i Komitetit të Partisë së Tiranës Dashnor Mamaqi. Edhe në këtë dokument akuzat dhe kritikat janë thuajse të njëjta me ato që vinin nga Elbasani, sikur dikush t’i kishte dirigjuar me kujdes që më parë.