Eduart Rroca ende e pret një ftesë nga kombëtarja shqiptare e futbollit. Kapiten i Istanbulspor në Superligën turke, 29 vjeçari luan sezonin e tretë në Turqi, duke qenë ndër lojtarët më të mirë për të tijtë, teksa dha kontributin e madh në ngjitjen e këtij ekipi në elitë. I lindur në Librazhd, Rroca spikati me Luftëtarin në Shqipëri, për të kaluar më pas te Kukësi. Sezoni i mirë me verilindorët në 2019-20 bëri që turqit të paguanin 325 mijë euro për shërbimet e tij. Menjëherë Rroca spikati në fushë, duke shënuar edhe gola spektakolarë për të merituar shiritin e liderit në krah.
Si ndër lojtarët më të spikatur dhe në formë, Report Tv u interesua për të ditur nëse 29 vjeçari kishte një ftesë nga Kombëtarja. Kuqezinjtë luajnë në 26 tetor miqësoren me Arabinë Saudite, kjo për emrat e rinj që mund të ftohen apo lojtarët që nuk kanë shumë minuta me fanellën e kombit. Për Report Tv, Rroca tregon se askush nuk e ka kontaktuar, duke u ndjerë "i harruar". "Më duket se nuk e dinë që edhe unë jam shqiptar", thotë Rroca mes të tjerash.Kujtojmë se te Istanbulspor luajnë edhe Kristal Abazaj dhe Sidrit Guri, me Rrocën që thotë se nuk ka parë vëzhgues nga FSHF për ta. Pak muaj më parë Valon Et'hemi, ish-sulmuesi i Kukësit zgjodhi Maqedoninë e Veriut, ndërsa edhe Jetmir Topalli i Kosovës plotëson "5-çen" shqiptare te Istanbulspor.
Në kuadër të ndeshjes miqësore me Arabinë Saudite në 26 tetor, keni një ftesë nga Kombëtarja?
Jo, nuk kam një ftesë. Më duket se nuk e dinë që edhe unë jam shqiptar.
Si është forma juaj pas dëmtimit dhe pse mendoni se nuk e keni një ftesë?
Forma tani është e mirë, kam lënë gjithçka pas me dëmtimin. Kam një muaj që stërvitem 100 përqind me ekipin. Kam luajtur në dy ndeshjet e fundit në Superligën turke duke shënuar dhe ndihem mirë fizikisht. Nuk e di ç'të them që mungon një thirrje nga FSHF.
Sezoni i tretë titullar dhe një nga më të rëndësishmit në fushë si kapiten. Në ndeshjet e fundit të Nations League kishte lojtarë me shumë pak minuta në këmbë që ishin pjesë e listës...
Është sezoni im i tretë këtu dhe ky është më i rëndësishmi sepse jemi në Superligën turke dhe jam kapiteni i ekipit. Ekipi është duke bërë mirë dhe kemi luajtur ndeshje të mira. Për ftesën e munguar jam mësuar tani. Cdo gazetar më pyet çdo herë që luan Kombëtarja se përse s'të ftojnë. Nuk e di këtë përgjigje, e dinë të tjerët.
Kombëtarja është ëndrra e çdo futbollisti, demoralizoheni që pas paraqitjeve të mira dhe shiritit të kapitenit nuk e keni një ftesë?
Normalisht ka pasur dhe raste kur jam mërzitur sepse kurrë nuk eshtë interesuar dikush për mua apo të më telefonojë dikush nga Federata, qoftë edhe një interesim të vogël. Po s'kemi ç'të bëjmë, jeta dhe futbolli vazhdon.
Et’hemi zgjodhi Maqedoninë e Veriut, në dijeninë tuaj ka pasur skautë të FSHF për t’ju ndjekur në stadium?
Jo, asnjëherë s'ka pasur skautë të Federatës për të parë ndonjë ndeshje tonën. Kemi luajtur ndeshje të rëndësishme, si përshembull vjet në play-off apo sivjet ndeshje në Superligë. Edhe pse jemi 3 shqiptarë të Shqipërisë në ekip, plus Et'hemin dhe Topallin bëhemi 5 shqiptarë. Askush s'ka ardhur kurrë për të na parë.
A e pret ende Rroca një ftesë për të kontribuar për kombin?
Normalisht, çdo njeri e pret deri në momentin që tërhiqet nga futbolli.
Lajme të tjera
-
Apeli zbut vendimin për Tiranën, pezullon më shumë se gjysmën e dënimit! Derbi kundër Partizanit me tifozë
25 Nëntor, 16:37 -
Legjionarët/ Bitri dhe Shpendi gjejnë golat, Gripshi fiton Kupën! Myrto Uzuni një gol larg historisë, Manaj rikthehet në fushë
24 Nëntor, 21:56 -
Renditja/ Keko mjafton kundër Laçit, Partizani rigjen kreun e Superligës! AF Elbasani dhe Tirana barazojnë 1-1, Egnatia fiton në Ballsh
24 Nëntor, 19:10 -
Renditja/ Në Vlorë ndalet ndeshja, futbollisti shijakas përfundon në spital! Fitojnë Flamurtari dhe Besa, vlonjatët në krye të Kategorisë së Parë (VIDEO)
24 Nëntor, 15:48 -
Superliga/ Vllaznia fitore dramatike 2-1 kundër Teutës për kreun e Superligës! Në Korçë barazim 2-2 mes Skënderbeut dhe Dinamos
23 Nëntor, 19:13 -
Babai i Uzunit fjalë të ashpra kundër Sylvinhos: S'ia vlerësuan djersën e sakrificën, as këpucët nuk ia morën në transfertë! Ata i fshinë emrin nga Euro 24
22 Nëntor, 14:26 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
U stërvit nga Sylvinho, talenti Keslin Shani për Report Tv: Kënaqësi e papërshkrueshme të jesh me Kombëtaren, s’i prisja këto rezultate
22 Nëntor, 13:01
-
Sylvinho 's'e ka parë' ende, Fiorentina ofron 10 milionë euro për Cristian Shpendin
22 Nëntor, 11:11 -
I doli emri si trajner te Inter Miami, Sylvinho tregon të ardhmen: Më vjen keq për rezultatin e fundit me Shqipërinë
22 Nëntor, 08:49 -
Beckham zgjedh Sylvinhon, trajneri i Kombëtares ka mundësi për të stërvitur Lionel Messin! Në lojë edhe Xavi
21 Nëntor, 15:38 -
'Sylvinho la për të dëshiruar, Kombëtarja ekip mendjemadh', Ditmar Bicaj për Report TV: Duhen emra të rinj, disave ua veshim fanellën me zor
21 Nëntor, 13:10
