POP 5

Lajmet më të lexuara të 5 minutave të fundit

Kronikë

Ekskluzive/ Ngarkesa 1.1 ton kokainë nga Amerika Latine u nda në dy pjesë, ja kamioni që përfundoi në Bosnje...me 1 kg! (VIDEO)

1.1 ton është sasia e kokainës e cila nga Amerika Latine do të shpërndahej në Maqedoninë e Veriut dhe Bosnje-Hercegovinë. ReportTv zbardh ekskluzivisht detaje të operacionit koordinuar nga Guardia di Finanza ku e ndarë në dy kamionë ajo u sekuestruar duke çuar në pranga 6 shtetas, 4 boshnjak dhe dy shqiptarë nga Maqedonia e Veriut.

TIRANË - Katër boshnjakë të arrestuar dhe lënë me vendim gjykate në burg si dhe 2 maqedonas rezultojnë se qëndrojnë pas ngarkesës prej 1.1 ton kokainë sekuestruar nga policia nën operacionin “Delivery”.

ReportTv mëson ekskluzivisht se gjykata ka vlerësuar të ligjshëm arrestet për 6 persona ndërsa shoferin malazez të kamionit që transportoi bananet nga Italia në Mal të Zi, Shqipëri e Maqedoninë e Veriut, e ka liruar.

Ky hetim është kryer me përfshirjen e DEA-s, policisë italiane si dhe hetuesve shqiptarë që shërbejnë në Itali, duke çuar në dorëzimin e kontrolluar të lëndës narkotikr.

Fillimisht sasia u raportua 1.3 ton, por nga dokumentimi i plotë sasia finale rezultoi 1.1 ton kokainë e pastër dhe vetëm 1 kg u la në kamionin i cili destinacionin final kishte fshatin e banuar me shqiptarë, Krushopek në Maqedoninë e Veriut.

Report TV mëson se kokaina është zëvendësuar në një prej porteve italiane në Kalabri ndërsa shoferi nuk ka mundur të kuptojë ndërhyrjen e policisë, e cila ka zgjatur vetëm 60 minuta.

Kokaina ka qenë e fshehur në kutitë e bananeve që vinin nga Amerika Latine me një rregull:1 kuti me kokainë, 3 kuti me banane.

Kjo sasi prej 1.1 ton kokainë sipas hetimeve të Guradia di Finanzia të cilat ekskluzivisht sqaruan për Report Tv, ishte e ndarë në dy pjesë. Një kamion do të dërgonte në Maqedoninë e Veriut 500 kg dhe sasia prej 600 kg ishte e destinuar për Bosnje.

Ndërsa në foton e siguruar nga ReportTv është kamioni i cili ishte destinuar për Bosnje dhe është sekuestruar sapo ka nisur të shkarkojë bananet, duke arrestuar edhe 4 të dyshuarit.

1582466715_maumia.jpg

Kamioni me kokaine ne Bosnje

Në kuadër të këtij operacioni njëkohësisht si në Bosnje dhe Maqedoninë e Veriut është bërë dorëzimi kontrolluar dhe janë kapur personat që kanë shkuar të tërheqin kokainë sapo ka mbërritur kamioni.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mundohuni të mos stresoheni shumë... çfarë kanë parashikuar yjet për sot

Mundohuni të mos stresoheni shumë... çfarë kanë parashikuar yjet për sot

29 Janar, 07:03