POP 5

Lajmet më të lexuara të 5 minutave të fundit

Politikë

Presidenti Meta takon Ambasadorët e 4 vendeve të grupit të Vishegradit

Presidenti i Republikës, lir Meta zhvilloi sot një takim pune me Ambasadorët e 4 vendeve të grupit të Vishegradit, të akredituar në Tiranë.

Presidenti Meta takon Ambasadorët e 4 vendeve të grupit të Vishegradit

Presidenti i Republikës, lir Meta zhvilloi sot një takim pune me Ambasadorët e 4 vendeve të grupit të Vishegradit, të akredituar në Tiranë.

Siç njofton zyra e shtypit, Presidenti Meta dhe Ambasadorët e Çekisë, Polonisë, Hungarisë dhe Sllovakisë vlerësuan marrëdhëniet politike dhe bashkëpunimin miqësor dypalësh, si dhe shkëmbyen mendime rreth forcimit të mëtejshëm të bashkëpunimit edhe ndërmjet rajoneve V4-Ballkani Perëndimor. 

Gjatë takimit u ndanë informacione për situatën e pandemisë COVID-19 në secilin vend. Presidenti i Republikës dhe Ambasadorët theksuan nevojën për një hapje graduale dhe të kujdesshme e kufijve, si dhe lehtësimin e masave shtrënguese që do t’i jepnin frymëmarrje dhe impuls ekonomisë në përgjithësi, por edhe vijimit të trendit pozitiv të viteve të fundit të fluksit të turistëve nga këto vende drejt Shqipërisë.    Presidenti Meta falenderoi për asistencën që këto vende kanë premtuar dhe dhënë vendit tonë për të përballuar situatën e krijuar nga pandemia COVID-19.

Kreu i Shtetit vlerësoi gjithashtu përkrahjen dhe vendosmërinë e vendeve të Vishegradit në drejtim të perspektivës evropiane të Shqipërisë dhe të rajonit tonë.

Duke shprehur mirënjohjen për vendimin e Këshillit Evropian të 26 marsit për çeljen e negociatave për Shqipërinë dhe Maqedoninë e Veriut, si dhe rikonfirmimin e perspektivës evropiane për vendet tona nga Samiti i fundit i Zagrebit, Presidenti Meta theksoi se, Shqipëria duhet të mbetet e fokusuar në plotësimin në kohë të të gjithë kushteve që Këshilli ka përcaktuar për vendin tonë për Konferencën e Parë Ndërqeveritare për çeljen e negociatave të anëtarësimit në BE. 

Presidenti Meta i njohu Ambasadorët edhe me zhvillimet më të fundit politike në vend, duke shprehur shqetësimin se provokimet dhe acarimi i klimës politike nuk i shërbejnë avancimit të përspektivës evropiane të vendit.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Flutura: 18/05/2020 17:10

    ...dhe ne fund u kerkoi ...mos hapni negociatat, ai shembi teatrin...

    Përgjigju
  • F-35: 18/05/2020 16:29

    Po luhet e njejta loje si ne Kosove edhe ketu. Atje ka nje ndarje te qarte ndermjet SHBA e BE, ne mbeshtetjen e aktoreve politik. Per fat te keq, perseri po shenderrohemi ne teater ku perplasen interesat e te medhejve!

    Përgjigju
  • Lani: 18/05/2020 16:07

    Me sa pashe videon Teatri ra sa e preku fadroma... Çdo gje tjeter qe po ndodh ose do te ndodhe e perdorin teatrin per qellime te tjera... Flm

    Përgjigju
    • aktor teatri: 18/05/2020 16:19

      po mire pa problem rrime ne shpi. edhe po u vjetrua shume shpia me qerpic pa merak se do vij ndonje do e bej me beton te bukur.

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tentoi të vriste 47 vjeçarin në Fier, arrestohet pas 3 vitesh

Tentoi të vriste 47 vjeçarin në Fier, arrestohet pas 3 vitesh

24 Nëntor, 10:39