"A1Report!" ka mundur të sigurojë pamjet eksluzive të arrestimit të Paro Laçit, dhjetorin e vitit të shkuar, ku ky i fundit duke udhëtuar në bordin e një automjeti "Audi" ngjyrë gri është ndalur dhe prangosur nga forcat speciale.
Forcat speciale, pasi e nxjerrin nga automjeti Laçin, e prangosin duke e shtrirë në rrugë e më pas duke e futur në automjetin "BMW". Arrestimi është kryer në rrugën "Muhamet Gjollesha" në kryeqytet, në zonën e 21 Dhjetorit, ku Laçi nuk ka bërë rezistencë për forcat e rendit.
Por sikur të mos mjaftonte ky arrestim, Laçi është shpallur sërish person në kërkim, pasi gjykata e Apelit tëTiranës ka lëshuar urdhër-arresti për biznesmenin Laçi për llogari të ekstradimit të tij në Itali. Me anë të një vendimi të dhënë nga Apeli, masa e arrestit të tij u ndryshua nga "arrest shtëpie" në "arrest me burg", por prej afro një muaji Laçi është ende në kërkim.
Redaksia online
(ar.sh/shqiptarja.com)