Ekskluzive/ Tre milionë cigare të bllokuara, pushohet dosja: S’ka kontrabandë

Kapja e 3 milionë paketave me cigare pa dokumentacionin e duhur në portin e Durrësit për prokurorinë e këtij qyteti nuk është kontrabandë. Çështja me nr.2082 e vitit 2017 që bën fjalë për kontrabandën e cigareve nga Turqia në Shqipëri, momentalisht nuk ka asnjë person të pandehur, megjithëse prokuroria i ka kërkuar gjykatës që sasia e cigareve të kapura në port të asgjësohet. Turku Semsettin Baysal dhe biznesmeni nga Vlora Sinan Idrizi, që njëherësh është president i sport Klub “Flamurtari” ishin dy njerëzit që janë hetuar nga prokuroria e Durrësit, për ngarkesën 3 milionë cigare të kapura kontrabandë në 7 nëntor 2017 në portin e Durrësit.

Prokurorja e çështjes Enkelejda Xhengo ka shtyrë disa herë me rradhë afatin hetimor të çështjes, por çuditërisht në datën 8 shkurt 2019 i është drejtuar gjykatës së rrethit Durrës, duke kërkuar pushimin e hetimeve për dy personat e hetuar Sinan Idrizi dhe Semsettin Baysal. Njëherësh prokuroria ka kërkuar asgjësimin e 3 milionë paketave cigare, të cilat mbahen të magazinuara në rezervat e shtetit. Sipas të dhënave të “Shqiptarja.com” bëhet fjalë për paketa "Filip Morris" të cilat përbëjnë dhe numrin më të madh të ngarkesës ndërsa pjesa tjetër është e përbërë nga paketa të llojit "Slims" e markave të ndryshme. 

Shkrimin e plotë e gjeni të botuar në gazetën Shqiptarja.com në print
 

/b.ha./Shqiptarja.com

TAG:
• sinan idrizi
• Semsettin Baysal
• Enkelejda Xhengo
• cigare kontrabande