Situata ekonomike në vend, për ekspertin e ekonomisë Zef Preçi, është e favorshme për sipërmarrësit e mëdhenj dhe qeverinë, por jo për qytetarët.
Sipas Preçit, janë mekanizmat veprues të qeverisë që e kanë sjellë situatën në këtë pikë, ku çmimet janë të larta, paketat e ndihmës të pamjaftueshme, ndërsa diskutohen ligje për amnisti fiskale ose legalizim të kanabisit mjekësor, që për ekspertin favorizojnë pastrimin e parave të drogës.
“Si kanabisi mjekësor si amnistia fiskale favorizojnë pastrimin e parave, ndërsa qeveria këmbëngul për ndryshimin e projektligjit pavarësisht reagimit të Komisionit Evropian që u shpreh kundër”, u shpreh Preçi në emisionin “Sot live në Shqipëri” në Report TV e gazetarin Andi Kapxhiu.
Preçi tha se edhe rënia e ndjeshme e monedhës së euros, ku kursi i këmbimit është aktualisht 1 me 118,37 lekë, ka ardhur si pasojë e parave informale që qarkullojnë në vend. Eksperti i ekonomisë theksoi se forcimi i parasë përkundrejt euros nuk është në interes të qytetarëve, por të bankave dhe të qeverisë.
“Një monedhë e fortë kombëtare nuk është tregues e shëndetit të ekonomisë por e zhbalancimit. Dëshmi e pakundërshtueshme e një oferte të rritur në tregun vendas. Shkak për rënien e euros është rritja e informalitetit. Qeveria dhe banka janë të lumtur, por bizneset nuk janë të favorizuara. Duhen monitoruar tregjet dhe kanalet përmes të cilave paratë informale hyjnë në ekonomi”, tha eksperti.
Eskperti Preçi theksoi se shteti dhe bankat kanë rritur depozitat, por rritja e depozitave nuk është e shëndetshme nëse kapitali nuk absorbohet nga bizneset dhe qytetarët. Ai shprehu keqardhje për mënyrën se si qeveria menaxhoi të ardhurat shtesë nga rritja e çmimeve, ku subvencionoi ndërtuesit.
Për ekspertin, zgjidhja më optimale në këtë kohë krize është që qeveria të investojë në prodhimin vendas.
Nuk është shëndet pasurimi i depozitave, por thithja, absorbimi nga bizneset. Ndjej keqardhje për mënyrën e menaxhimit të të ardhurave suplementare të shkaktuara për rritjen e çmimet, pra, fakti që u shpërndanë te sipërmarrësit që iu cenua fitimi, jo ekzistenca. Qeveria është mandatuar për të vendosur barazi në tregje, jo për të shkelur konkurrencën duke krijuar favore. Më e rëndësishme nuk janë lëmoshat, qeveria duhet të heqë dorë nga lojërat me kanabis dhe të shtojë prodhimin vendas. Të shohim burimet që kemi dhe t’i përdorim në mënyrë racionale. Në kushte krize çdo vend iu rikthehet burimeve të vendit. Jemi kthyer në vend pos-kolonial, eksport i lëndëve të para dhe përfitime modeste në buxhetin e shtetit. Buxheti i shtetit nuk merr asgjë. Qeveria të fokusojë potencialet drejt prodhimit vendas. Të hiqet dorë nga eksperimentet që rrisin pasiguritë juridike”, u shpreh eksperti i ekonomisë.
Lajme të tjera
-
Rrebeshe e shtrëngata në gjithë vendin, Gjoni për Report Tv: Nga mesdita e së shtunës ikin reshjet, por ulen temperaturat
22 Nëntor, 12:57 -
Mbyllet Tiktok dhe Snapchat? Mentor Kikia në Report Tv: Kufizimi i përdorimit të rrjeteve sociale masë e duhur! Kemi mjedis social të dhunshëm! Motivon të rinjtë
20 Nëntor, 14:40 -
Marrëveshja me Italinë për emigrantët, avokati Hasani për Report Tv: Nuk dihet nëse do të funksionojë! Qeveria britanike po shqyrton paktin e mëparshëm me Shqipërinë
20 Nëntor, 12:23 -
Projekt-buxheti 2025/ Tabaku në Report Tv: Nuk adreson zgjidhje për pensionet! Kemi propozim për minimumin jetik! Takimet e Ramës me pensionistët, justifikime
15 Nëntor, 14:13 -
The Economist: Ekonomia amerikane ka lënë në hije shtetet e tjera të pasura
10 Nëntor, 20:50 -
Rikthimi i Donald Trump, Lufti Harizi në Report Tv: Në Kosovë nuk presim ndryshim! Nuk ka frikëson raporti SHBA- Serbi
8 Nëntor, 16:48 -
Pjesëmarrja e opozitës në Kuvend, Evis Kushi në Report Tv: Kuptuan se me dhunë dhe djegie karrigesh nuk arrijnë asgjë! Ja cilat janë ristë e platformës ‘Deputeti që duam’
8 Nëntor, 15:53 -
Fati pensionistëve/ Ish-minatori: Si u takova me kryeministrin! I kërkova statusin, ishte i painformuar! Shabani: U merret përqindja te buka që blejnë
4 Nëntor, 21:50 -
PD jashtë komisioneve ku u diskutua buxheti, Spaho për Report Tv: S’ishte vendim politik, jemi të përjashtuar! Duam qeveri teknike për zgjedhje të lira
4 Nëntor, 14:57 -
PS i shtrin dorën e bashkëpunimit opozitës, Etjen Xhafaj: Gati të ulemi në tryezë me PD! Gazetarja: Jo për sy e faqe, duhet të ofroni diçka
1 Nëntor, 15:03 -
Atentati me 3 viktima në Shkodër/ Gazetari Dervishi në Report Tv: Bajrat dhe Lici konflikte legjendare, kanë dalë edhe në Sky ECC! Pse nuk i monitoron policia?!
31 Tetor, 15:02 -
Ndotje në Liqenin e Tiranës? Anisa Ruseti për Report TV: Shtim i algave jeshile, jo i rrezikshëm për popullatën! Ja dy faktorët dhe masat që merren
30 Tetor, 17:04
