Eksperti turk: Mbi 100 mijë persona mund të jetë ende nën rrënoja

Një profesor turk i gjeofizikës ka bërë një parashikim bazuar në të dhënat e popullsisë së Turqisë dhe ka dhënë shifra alarmante se sa persona të tjerë mund të ndodhen nën rrënoja dhe sa është probabiliteti për të qenë të gjallë.  Ai dha shifrën tronditëse se mund të jenë 100 mijë persona ende nën rrënoja.  Prej tyre, ai vlerëson se 0.1% deri në 0.2% janë gjallë.

“Sipas të dhënave të shtetit për ndërtesat e shembura, popullsinë etj deri më tani nga rrënojat kanë dalë 150 mijë persona të vdekur ose të plagosur. Sot të paktën 100,000 njerëz janë nën rrënoja. Disa prej tyre janë ende gjallë sot! Rreth 0.1% ose 0.2% “ , tha ai.

LEXO EDHE:
Rey Manaj shkruan emrin në listën e legjendave të Sivasspor

Edhe pse shpresat për gjetjen e të mbijetuarve po shuhen, dhjetë ditë pas tërmetit që goditi, ekipet e shpëtimit dhe vullnetarët vazhdojnë përpjekjet e tyre. Numri i viktimave nga tërmetet që goditën Turqinë dhe Sirinë në orët e para të mëngjesit të së hënës, me 6 shkurt ka shkuar në rreth 44 mijë.

Në Turqi  janë regjistruar 38,044 viktima ndërsa në Siri janë regjistruar mbi 5,800 viktima.

Lajmi kryesor:

Tërmeti shkatërrues në Turqi dhe Siri, mbi 44 mijë viktima! Eksperti turk: Mbi 100 mijë persona mund të jenë ende nën rrënoja

F.D/Shqiptarja.com

TAG:
• Siri
• turqi
• termet i fuqishem ne turqi