POP 5

Lajmet më të lexuara të 5 minutave të fundit

Ekonomi

Ekspertja e ekonomisë ‘skaner’ programeve të partive, Shehu: I PS më i zbatueshëm, taksa e PD jo e sheshtë e pastër

Ekspertja e ekonomisë Elona Shehu ka analizuar programet ekonomike të partive gjatë një interviste për Report TV. Edhe pse skeptike për mënyrën se si do të zbatohen Shehu thotë se platforma e PS është më e realizueshme, teksa nuk e konsideron të sheshtë taksën e PD.

Për situatën ekonomike në të cilën ndodhet vendi për shkak të pandemisë, dhe për sistemin fiskal që ne kemi aplikuar deri më tani, taksa progresive është më e zbatueshme. Kështu shprehet Ekspertja e ekonomisë Elona Shehu për Report TV teksa analizon programet ekonomike të partive.

“Tatimi progresiv e zbut pabarazinë mes shtresave nëse ai që fiton më shumë tatohet më shumë”, thotë Shehu.

Shehu është skeptike për rritjen e pagës minimale në nivelin e premtua nga partitë për shkak të kostove që i rriten biznesit.

“Do të duhet ndoshta të konsultohet më mirë me aktorët e biznesit, në mënyrë që të shikohet hapësira që ka realisht në këto biznese për ta rritur këtë pagë”, shprehet ekspertja.

Teksa ndalet tek shpjegimi i taksave, ekspertja thotë se taksa e programit të PD nuk është e sheshtë e pastër.

“Unë nuk shoh një taksë të sheshtë të pastër të premtuar nga PD, për vetë faktin që ti ke dy fasha tatimore pra 0% për pagat deri në 30 mijë lekë dhe 9% mbi këtë nivel.  Në tatohemi me 0% për pagën deri në 40 mijë lekë pse duhet unë paguaj tatim për 6 mijë lekëshin nëse e kam pagën 36 mijë lekë”, pohon Shehu.

E paqartë është mënyra se si PD pretendon të ulë detyrimin e sigurimeve shoqërore, madje Shehu thotë se skema e premtuar do thellonte deficitin në pensione.

“Paqartësia qëndron se cila palë do të favorizohet do të bëhet 50/50, dhe ajo që ulet tek punëmarrësi është një nivel i vogël prej 0.5%, dhe ajo që ndryshon është -6% detyrim për punëdhënësit. Skema e deficitit në sigurimet shoqërore do të thellohej më tepër’, deklaron Shehu. 

Duke qenë se programi i së djathtës do të ri-formatojë sistemin tatimor në vend, ekspertja e ekonomisë thotë se është ende e pasqaruar se si pretendon PD të rrisë të ardhurat, të ulë borxhi e nga ana tjetër ul taksat.

“Kush do të jenë rrugët që do të shfrytëzohen për të financuar buxhetin e shtetit për të mbuluar të gjitha këto mungesa që vijnë nga rënia e normës tatimore, dhe e të hyrave në formën e kontributeve, që do të shkaktojnë rritje të deficitit buxhetor dhe të borxhit publik”, sqaron ndër të tjera pedagogia dhe ekspertja e ekonomisë Elona Shehu.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zjarret në aeroplanët e transportit të mallrave, dyshohet se u organizuan nga Moska

Zjarret në aeroplanët e transportit të mallrave, dyshohet se u organizuan nga Moska

5 Nëntor, 22:12