Elena Panaritis, ish-ekonomiste e Bankës Botërore dhe ish-deputete e parlamentit grek, tha dje në Tiranë, gjatë një trajnimi të stafit të kompanisë “Eurosig”, se pengesa kryesore për rritjen e qëndrueshme ekonomike dhe zhvillimin e klasës së mesme të vendeve në zhvillim është mungesa e sigurisë.

Sipas saj, forcimi i institucioneve, por edhe rritja e rolit të industrisë siguruese në shoqëri, është çelësi i ndryshimit.

Tregu i sigurimeve në Shqipëri është më i vogli në Europë, me një vlerë primesh prej pak më shumë se 20 euro për frymë.